لاہور: اقبال ٹاؤن میں پانچ ماہ سے گھرمیں قید دو بچوں کو گلشن اقبال پولیس نے بازیاب کروالیا۔
تفصیلات کے مطابق سکندربلاک اقبال ٹاؤن کے رہائشی محمد کاشف نے سات سالہ سفیان اور بارہ سالہ بچی سعدیہ کو پانچ ماہ سے گھر میں قید کیا ہوا تھا ، سیکورٹی گارڈ کی اطلاع پر پولیس نے چھاپہ مار کر دونوں بچوں کو بازیاب کروالیا۔
گھر کے مالکان دونوں بچوں پر تشدد کرتے تھے، ان کے جسم پر تشدد کے نشانات بھی موجود ہیں، بچوں کا کہنا تھا کہ مالکان انہیں پائپ سے مارتے تھے۔
پولیس نے بچوں کو چائلڈ پروٹیکشن بیورو کے حوالے کردیا جبکہ ملزمان کے خلاف قانونی کارروائی شروع کردی گئی ہے۔
