The news is by your side.

Advertisement

لاہور قلندرز نے ملتان سلطانز کو سنسنی خیز مقابلے کے بعد 6 وکٹوں سے شکست دے دی

اے بی ڈیولیرز کو مین آف دی میچ قرار دیا گیا

شارجہ: لاہور قلندرز نے سنسنی خیز مقابلے کے بعد ملتان سلطانز کو آخری بال پر 6 وکٹوں سے شکست دے دی، اے بی ڈیولیرز نے ناقابل شکست نصف سنچری اسکور کی، اے بی ڈیولیرز کو مین آف دی میچ قرار دیا گیا۔

تفصیلات کے مطابق لاہور قلندرز کی ٹیم نے ملتان سلطانز کی جانب سے دیا جانے والا 201 رنز کا ہدف آخری بال پر حاصل کرلیا، اے بی ڈیویلیرز اور فخر زمان نے نصف سنچریاں اسکور کیں۔

فخر زمان 35 گیندوں پر 63 رنز بنا کر جنید خان کا شکار بنے، اے بی ڈیولیرز نے 52 رنز کی ناقابل شکست اننگز کھیلی جس میں تین چوکے اور تین چھکے شامل تھے۔

سہیل اختر 10، سلمان بٹ 17 اور آغا سلمان 2 رنز بناسکے، جنید خان نے تین کھلاڑیوں کو پویلین کی راہ دکھائی، محمد الیاس نے ایک وکٹ حاصل کی۔

قبل ازیں شارجہ میں کھیلے جانے والے پاکستان سپر لیگ کے دسویں میچ میں لاہور قلندرز کے کپتان اے بی ڈیویلیرز نے ٹاس جیت کر پہلے فیلڈنگ کا فیصلہ کیا، ملتان سلطانز نے مقررہ اوورز میں 6 وکٹوں کے نقصان پر 200 رنز بنائے اور لاہور قلندرز کو جیت کے لیے 201 رنز کا ہدف دیا۔

عمر صدیق اور جیمز ونس نے شاندار 135 رنز کی شراکت قائم کی، اس دوران ونس نے 41 گیندوں پر 84 رنز کی جارحانہ اننگز کھیلی، شعیب ملک 10 رنز بنا کر پویلین لوٹ گئے۔

عمر صدیق نے بھی 37 گیندوں پر 53 رنز کی شاندار اننگز کھیلی جس میں دو چھکے اور تین چوکے شامل تھے۔

لاہور قلندرز کی جانب سے لمن چے نے تین جبکہ شاہین شاہ آفریدی اور حارث رؤف نے ایک، ایک وکٹ حاصل کی۔

واضح رہے کہ لاہور قلندرز نے ایونٹ میں صرف ایک کامیابی حاصل کی اور قلندرز کی ٹیم کے دو پوائنٹس ہیں، گزشتہ روز پشاور زلمی نے کراچی کنگز کو 44 رنز سے شکست دی تھی۔

Comments

comments

یہ بھی پڑھیں