The news is by your side.

Advertisement

لاہور قلندرز کی شکست، مداح بچہ بُری طرح رو پڑا، ویڈیو وائرل

لاہور: پی ایس ایل میں گزشتہ روز اسلام آباد یونائیٹڈ کے ہاتھوں لاہور قلندرز کی شکست پر مداح بچہ بری طرح رو پڑا جس کی ویڈیو وائرل ہوگئی۔

تفصیلات کے مطابق پی ایس ایل میں گزشتہ روز سنسنی خیز مقابلے کے بعد لاہور قلندرز کو اسلام آباد کے ہاتھوں ایک وکٹ سے شکست ہوئی جس پر مداح بچے سے رہا نہ گیا اور وہ بری طرح رو دیا جس کی ویڈیو وائرل ہوگئی۔

ویڈیو میں دیکھا جاسکتا ہے کہ بچہ روتے ہوئے کہہ رہا ہے کہ ‘کیا فائدہ لاہور قلندرز کا، کھیلتے ہی کیوں ہیں جب ہارنا تھا۔‘

بچے کا کہنا تھا کہ ’عثمان شنواری کا اوور دے دیا یہی اوور شاہین آفریدی کو دیتے تو وہ بولڈ ہی ماردیتا، اور لاہور قلندرز میچ جیت جاتے۔

ویڈیو میں ایک شخص کا کہنا تھا کہ تم چھوڑو لاہور قلندرز کو ملتان میں آجاؤ، جس پر بچے کا کہنا تھا کہ کیوں آؤں لاہور قلندرز میں جب ہماری ٹیم ہی لاہور ہے۔

بچے کا کہنا تھا کہ میں اب لاہور قلندرز کی طرف نہیں ہوں صرف پاکستان کی طرف ہوں، پاکستان زندہ باد۔

واضح رہے کہ پی ایس ایل میں سنسنی خیز مقابلوں کا سلسلہ جاری ہے، گزشتہ روز میچ آخری بال ختم ہوا اور اسلام آباد یونائیٹڈ نے ہاری ہوئی بازی جیت کر لاہور قلندرز سے فتح چھین لی تھی۔

fb-share-icon0
Tweet 20

Comments

comments

یہ بھی پڑھیں