لاہور : محلہ اسلم خان بھاٹی گیٹ میں مکان کی چھت گرنے سے چھ افراد جاں بحق ہوگئے، چار افراد کو زخمی حالت میں ملبے سے زندہ نکال لیا گیا، ہلاک ہونے والوں میں خواتین اور بچے بھی شامل ہیں۔
ریسکیو ذرائع کے مطابق لاہور کے علاقہ محلہ اسلم خان میں ایک گھر کی تیسری منزل اچانک زمین بوس ہو گئی جس کے باعث چھ افراد ملبے تلے دب گئے۔
اطلاع ملنے پر ریسکیو 1122 کی ٹیم نے موقع پر پہنچ کر آپریشن شروع کیا اور ملبے تلے دبے چار افراد کو نکال کر میو ہسپتال پہنچایا، جہاں شہزاد نامی شخص اور ایک خاتون جانبر نہ ہوسکی۔
چار زخمیوں کا علاج جاری ہے، تنگ گلیوں کے باعث ریسکیو کا عملہ بروقت جائے حادثہ پر نہیں پہنچ سکا اور ابتدائی طور پر لوگوں نے اپنی مدد آپ کے تحت امدادی کارروائیاں کیں۔
ریسکیو حکام نے مزید افراد کے ملبے تلے دبے ہونے کا خدشہ ظاہر کیا ہے۔ حادثے میں جاں بحق ہونے والوں میں خواتین اور بچے بھی شامل ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں