لاہور: شہر کے علاقے سبزہ زار میں واقع ٹریول ایجنسی میں ڈکیتی کی فوٹیج منظر عام پر آگئی، ڈاکو 22 لاکھ روپے لوٹ کر فرار ہوگئے۔
اے آر وائی نیوز کے نمائندے بابر خان کے مطابق لاہور میں ڈکیتی کی وارداتوں میں اضافہ ہوتا جارہا ہے جبکہ پولیس وی وی آئی پی سیکیورٹی پر مامور رہتی ہے۔
نمائندے کے مطابق لاہور کے علاقے سبزہ زار بلاک ایچ میں واقع ٹریول ایجنسی میں صبح ساڑے 4 بجے ڈکیتی کی واردات ہوئی ہے جس میں پانچ مسلح ڈاکو ؤں نے ڈکیتی کے لیے پہلے ٹریول ایجنسی کے گارڈ پر تشدد کیا اور اس سے اسلحہ چھینا اور اندر داخل ہوگئے جسے فوٹیج میں دیکھا جاسکتا ہے۔
بعدازاں ملزمان نے سی سی ٹی وی کیمرے توڑنے کی بھی کوشش کی اور تجوری سے بائیس لاکھ روپے کی خطیر رقم لوٹی اور فرار ہوگئے۔
واقعے کی سی سی ٹی وی فوٹیج کی مدد سے مقدمہ تو درج کرلیا گیا ہے لیکن فوٹیج میں نظر آنے والےملزمان کا کچھ پتا نہیں چل سکا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں