لاہور میں کرشنگ ہونے کے باوجود چینی کی قیمتوں میں مسلسل اضافہ ہورہا ہے۔
تفصیلات کے مطابق چینی کی قیمت میں مسلسل اضافے کا سلسلہ جاری ہے، چند دنوں میں چینی کی قیمت میں 18 روپے کلو اضافہ ریکارڈ کیا گیا۔
ڈیلرز ایسوسی ایشن کے مطابق چینی کی ایکس مل کا ریٹ 140 سے 143 روپے تک ہے، دسمبر میں چینی کی ایکس مل کا ریٹ 125 روپے کلو تھا۔
ڈیلرز ایسوسی ایشن کا کہنا ہے کہ فروری کیلئے فیوچر ٹریڈ نے 145 روپے مقرر کر دیا، چھوٹی دکانوں میں چینی150 روپے کلو فروخت ہورہی ہے۔
ڈیلرز ایسوسی ایشن کا کہنا ہے چینی برآمد کرکے مصنوعی قلت اور قیمت بڑھائی جارہی ہے، مافیا کو کنٹرول نہ کیا تو رمضان میں چینی 170 روپے کلو تک جاسکتی ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں