The news is by your side.

Advertisement

لاہور شہر میں لوڈ شیدنگ میں عارضی ریلیف مل گیا، ذرائع

لاہور: وزیر اعظم بننے کے بعد شہباز شریف آج لاہور کے پہلے دورے پر آ رہے ہیں، اس سے قبل شہر میں لوڈ شیدنگ میں عارضی ریلیف فراہم کر دیا گیا ہے۔

تفصیلات کے مطابق ذرائع کا کہنا ہے کہ وزیر اعظم کے لاہور دورے سے قبل لیسکو کا بجلی کا کوٹہ بڑھا دیا گیا ہے، جس سے شہر میں بجلی کے شارٹ فال میں کمی واقع ہو گئی ہے۔

ذرائع کے مطابق بجلی کی رسد 3700 میگا واٹ جب کہ طلب 4100 میگا واٹ ہے، کوٹہ بڑھانے سے بجلی کا شارٹ فال 400 میگا واٹ رہ گیا ہے، تاہم دیہی اور چھوٹے شہروں میں لوڈ شیدنگ کا سلسلہ تاحال جاری ہے۔

لیسکو حکام کا کہنا ہے کہ وہ کوشش کر رہے ہیں کہ کم سے کم لوڈ شیدنگ کی جائے، اور انھوں نے کوٹہ مزید بڑھانے کا کہا ہے۔

دوسری طرف کراچی اور کوئٹہ سمیت ملک کے دوسرے بڑے شہروں میں لوڈ شیڈنگ کی صورت حال نہایت خراب ہے، کوئٹہ سمیت بلوچستان صوبے کے دیگر اضلاع میں بجلی لوڈ شیڈنگ کا سلسلہ برقرار ہے، کوئٹہ شہر میں 8 سے 10 گھنٹے لوڈ شیڈنگ جاری ہے۔

Comments

یہ بھی پڑھیں