لاہور: پاکستان اور آسٹریلیا کے درمیان جاری تیسرے ٹیسٹ کے پہلے روز کا کھیل ختم ہوگیا، آسٹریلیا نے 5 وکٹوں کے نقصان پر 232 رنز بنالیے۔
تفصیلات کے مطابق لاہور کے قذافی اسٹیڈیم میں کھیلے جارہے تیسرے ٹیسٹ میچ کے پہلے روز آسٹریلیا نے عثمان خواجہ کی شاندار بیٹنگ کی بدولت 5 وکٹوں کے نقصان پر 232 رنز بنالیے، کیمرون گرین 20 اور ایلکس کیری 8 رنز بنا کر کریز پر موجود ہیں۔
Stumps! A good Day 1 for 🇵🇰 #BoysReadyHain l #PAKvAUS pic.twitter.com/p6GF3AuryK
— Pakistan Cricket (@TheRealPCB) March 21, 2022
آسٹریلوی اوپنر عثمان خواجہ نے 91 رنز کی شاندار اننگز کھیلی، اسٹیو اسمتھ 59 اور ٹریوس ہیڈ نے 26 رنز اسکور کیے۔
Yep, that’s out ☝🏼 @iNaseemShah’s hardwork pays off. #BoysReadyHain l #PAKvAUS pic.twitter.com/x0dXXxPlMY
— Pakistan Cricket (@TheRealPCB) March 21, 2022
ڈیوڈ وارنر 7 اور مارنوس لبوشین بغیر کوئی رن بنائے پویلین لوٹ گئے۔
پاکستان کی جانب سے شاہین شاہ آفریدی اور نسیم شاہ نے دو، دو وکٹیں حاصل کیں، اسپنر ساجد خان ایک وکٹ حاصل کرسکے۔
Amazing stuff from @iNaseemShah! #BoysReadyHain l #PAKvAUS pic.twitter.com/Cy5J7r0jMu
— Pakistan Cricket (@TheRealPCB) March 21, 2022
اس سے قبل آسٹریلیا نے ٹاس جیت کر پہلے بیٹنگ کا فیصلہ کیا تھا۔
کینگروز کپتان پیٹ کمنز کا کہنا ہے کہ وکٹ بیٹنگ کے لئے سازگار لگ رہی ہے، اس میں کچھ اسپن بھی موجود ہے یہی وجہ ہے کہ پہلے بیٹنگ کا فیصلہ کیا۔
قومی ٹیم کے کپتان بابراعظم نے کہا کہ اگر ہم ٹاس جیتتے تو ہم بھی پہلے بیٹنگ کرتے،ہوم گراؤنڈ پر سیریز میں فتح کیلئے پر عزم ہیں، پیٹ کمنز نے کہا کہ اچھی کارکردگی کا مظاہرہ کرنے کی کوشش کرتے ہوئے سیریز جیتنے کیلئے پر اعتماد ہیں۔
تیسرے ٹیسٹ کے لئے آسٹریلوی ٹیم نے کراچی ٹیسٹ کا اسکواڈ برقرار رکھا ہے جبکہ قومی ٹیم میں ایک تبدیلی کی گئی ہے، آل راؤنڈر فہیم اشرف کی جگہ فاسٹ بولر نسیم شاہ کو شامل کیا گیا ہے۔
واضح رہے کہ دونوں ٹیموں کے درمیان راولپنڈی اور کراچی ٹیسٹ بغیر کسی نتیجے کے ختم ہوگئے تھے۔
یاد رہے کہ بینو قادر ٹرافی سیریز آئی سی سی ٹیسٹ چیمپئن شپ کا حصہ ہے۔
