The news is by your side.

Advertisement

لاہور: نامعلوم ملزمان نے خاتون اور دو بچوں‌ پر تیزاب پھینک دیا

لاہور : نامعلوم افراد نے خاتون اور دو بچوں پر تیزاب پھینک دیا جس کے باعث خاتون اور بچوں کے چہرے اور آنکھیں متاثر ہوئیں جنہیں اسپتال منتقل کردیا گیا۔

اے آر وائی نیوز کے نمائندے احمر کھوکھر نے بتایا کہ یہ واقعہ لاہور کے علاقے جوبلی ٹاؤن میں پیش آیا، متاثرہ خاتون انیلا اپنے بچوں 12 سالہ بیٹی اور 8 سالہ بیٹے کے ہمراہ گاڑی میں گھر جارہی تھی کہ جوبلی ٹاؤن کے علاقے میں نامعلوم افراد نے ان پر تیزاب پھینک دیا۔


انیلا کے والد نے متعلقہ تھانے میں درخواست دے دی ہے جس کے مطابق سابق شوہر افضال نے جائیداد کے تنازع پر میری بیٹی پر تیزاب پھنکوایا ہے، افضال پولیس میں حوالدار بھی ہے۔
اطلاعات ہیں کہ خاتون اور بچوں کو فوری طور پر اسپتال منتقل کردیا ہے بعدازاں خاتون کے موجودہ شوہر نے انہیں بچوں سمیت جناح اسپتال سے کہیں اور منتقل کردیا۔
یہ بھی اطلاعات ہیں کہ موجودہ شوہر زوہیب نہیں چاہتے تھے کہ تھانے میں درخواست دی جائے۔

دریں اثنا جوبلی ٹاؤن میں خاتون اور اس کے بچوں پر تیزاب گردی کے واقعے پر اے آر وائی کی خبر کا نوٹس لیتے ہوئے آئی جی پنجاب کے حکم پر دو نامعلوم افراد کے خلاف مقدمہ درج کرلیا گیا، یہ مقدمہ متاثرہ خاتون کے والد کی مدعیت میں درج کیا گیا۔

Print Friendly, PDF & Email

Comments

comments

یہ بھی پڑھیں