The news is by your side.

Advertisement

لاہور سے نئی دہلی بس سروس کے معاہدے میں توسیع کی منظوری

اسلام آباد : وفاقی کابینہ نے لاہور سے نئی دہلی بس سروس کے معاہدے میں توسیع کردی، کراچی انفرااسٹرکچر کمپنی ڈیولپمنٹ بورڈ کی تشکیل نو کی بھی منظوری دے دی گئی۔

تفصیلات کے مطابق اسلام آباد میں وزیراعظم عمران خان کی زیرصدارت وفاقی کابینہ کا اہم اجلاس ہوا جس میں20نکاتی ایجنڈے پر غور کے علاوہ کئی نکات کی منظوری دی گئی۔

اجلاس میں ملکی سیاسی اور معاشی صورتحال کا بھی جائزہ لیا گیا، وفاقی کابینہ نے لاہور سے نئی دہلی بس سروس میں توسیع کی منظوری دے دی معاہدے میں توسیع5سال کیلئے کی گئی، جب کہ کابینہ نے سرمایہ کاری بورڈ کی تشکیل نو سے متعلق سمری اور کراچی انفراسٹرکچر ڈیولپمنٹ بورڈ کی سمری بھی منظوری کرلی۔

وزیراعظم نے وفاقی کابینہ کے اجلاس کے دوران کراچی انفرااسٹرکچر کمپنی ڈیولپمنٹ بورڈ کی تشکیل نو کی منظوری دی، وفاقی کابینہ نے بورڈ میں نئے8ممبران کی تقرری کی منظوری بھی دے دی۔

اس کے علاوہ کابینہ اجلاس میں وزیراعظم نے ملائیشین وزیراعظم مہاتیر محمد کے دورے سے متعلق کابینہ کو اعتماد میں لیا جب کہ وزیر خزانہ اسد عمر نے ملائیشیا کے ساتھ ہونے والے معاہدوں پر بریفنگ دی۔

Comments

comments

یہ بھی پڑھیں