لاہور : ون فائیو پر جھوٹی اطلاعات دینے والے دو ملزمان کو گرفتار کرلیا گیا، پولیس کی تفتیش کے دوران ملزمان نےسچ اگل دیا۔
تفصیلات کے مطابق لاہور میں بادامی باغ پولیس نے ون فائیو پر جھوٹی اطلاعات دینے والے دو ملزمان کو گرفتارکرلیا۔
پولیس کا کہنا ہے کہ ملزم جاوید نے ون فائیو پر کال کر کے بتایا 3 ڈاکو رکشہ اورموبائل چھین کر لے گئے جبکہ دوسرے ملزم عثمان نے ون فائیو پر کال کر کے بتایا ڈاکو موٹرسائیکل، موبائل، نقدی چھین کرفرارہوئے۔
حکام نے کہا کہ سیف سٹی کیمروں اوراردگرد علاقوں کی جانچ پرکوئی وقوعہ سامنے نہیں آیا۔
پولیس کی تفتیش کے دوران ملزمان نےسچ اگل دیا، جاوید کا رکشہ اور موبائل قرض کے بدلے قرض خواہ لے گیا تھا جبکہ عثمان نے موبائل اور نقدی کھوجانے پر بے عزتی کے ڈر سے جھوٹی کال کی۔
مزید پڑھیں : 11 لاکھ روپے ڈکیتی کی جھوٹی کال کرنے پر 2 ملزمان گرفتار
یاد رہے اپریل میں الہ آباد میں گیارہ لاکھ روپے ڈکیتی کی جھوٹی کال کرنے پر دو ملزمان کو گرفتار کرلیا گیا تھا۔
پولیس نے بتایا تھا کہ اعظم نامی شہری نے گیارہ لاکھ روپے کی ڈکیتی کی اطلاع دی، پولیس نے موقع پر پہنچ کر اور حالات و واقعات کا جائزہ لیا اور چار گھنٹے کی تفتیش پر پتہ چلا کہ کالر نے اپنے کزن اویس کیساتھ ملکر واردات کا ڈرامہ رچایا تھا۔
پولیس نے کہا تھا کہ ملزمان نے گیارہ لاکھ روپے جاز کیش کمپنی کو ادا کرنے تھے، جس کیلئے واردات کی منصوبہ بندی کی تاہم دونوں ملزمان کے خلاف مقدمہ درج کرلیا گیا تھا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں