The news is by your side.

Advertisement

لاہور : چوری کی وارداتوں میں ملوث خواتین کا گروہ گرفتار

لاہور : پولیس نے چوری کی وارداتوں میں ملوث 3 خواتین کو گرفتار کرلیا، ملزمان سے چوری کی گئی نقدی اور مسروقہ پرس بھی برآمد کرلیا گیا۔

لاہور کے علاقے رنگ محل میں ڈولفن اسکواڈ کے عملے نے کامیاب کارروائی کرتے ہوئے ایسی 3خواتین کو حراست میں لیا ہے جو گینگ کی شکل میں وارداتیں کیا کرتی تھیں۔

ڈولفن ٹیم نے ون فائیو پر کی گئی کال پر فوری کارروائی کرتے ہوئے خواتین کو گرفتار کیا، مذکورہ خواتین بھیڑ والی جگہ پر منظم طریقے سے وارداتیں کرتی تھیں۔

ترجمان ڈولفن کا کہنا ہے کہ گرفتار خواتین کے قبضہ سے چھینا گیا پرس اور نقدی برآمد کرکے ان کیخلاف مقدمہ درج کرلیا گیا ہے تاہم تفتیش کے بعد مزید انکشافات متوقع ہیں۔

واضح رہے کہ لاہور پولیس شہر میں بڑھتے ہوئے جرائم پر قابو پانے میں ناکام نظر آرہی ہے، قتل، ڈکیتی جیسے لرزہ خیز واقعات نے عوام میں خوف وہراس پیدا کردیا ہے۔

شہر میں سکٹ سیکیورٹی کے باوجود ڈاکے، چوریاں اور قتل جیسی وارداتیں ہورہی ہیں۔ شہریوں کے تحفظ کے لئے سکیورٹی ادارے ملزمان کو نکیل ڈالنے کے لئے سرگرم عمل ہیں۔

بڑھتے ہوئے جرائم نے پولیس کی کارکردگی پر سوالیہ نشان لگا دیا ہے۔ ملزمان دن دہاڑے شہریوں سے لوٹ مار کررہے ہیں اور مزاحمت کرنے پر انہیں بھاری نقصان اٹھانا پڑتا ہے۔

ایسے ہولناک واقعات کی وجہ سے لوگوں کا طرز زندگی اور کاروبار متاثر ہو کررہ گیا ہے۔ افسوس ناک امر یہ ہے کہ جو لوگ ان دنوں کاروبار کی غرض سے گھروں سے نکلتے ہیں وہ غیرمحفوظ ہیں۔

Comments

یہ بھی پڑھیں