لاہور ٹیسٹ کا آخری روز شائقین کرکٹ کے لئے تاریخی دن بن گیا، جہاں انہیں ورلڈکپ 92 کی ٹرافی کے ساتھ تصاویر اور سیلفی لینے کا موقع مل گیا۔
تفصیلات کے مطابق پاکستان کرکٹ بورڈ (پی سی بی) نے ورلڈ کپ 1992 کی سالگرہ بھرپور جوش و خروش سے منانے کا فیصلہ کیا، اسی سلسلے میں آج پاکستان آسٹریلیا کے درمیان جاری ٹیسٹ کے آخری روز ورلڈ کپ 92 کی 30 ویں سالگرہ کے موقع پر ٹرافی لاہور کے قذافی اسٹیڈیم میں سجادی گئی ہے۔
اس موقع پر قومی کرکٹرز کا جوش قابل دید تھا، کھلاڑیوں نے ٹرافی کے ساتھ تصاویر بنوائیں جبکہ مینجمنٹ نے بھی اس تاریخی موقع کو یادگار بناتے ہوئے اپنے تصاویر لیں۔
There’s a celebrity on ground today! #BoysReadyHain l #PAKvAUS pic.twitter.com/OWmqmg9T0y
— Pakistan Cricket (@TheRealPCB) March 25, 2022
ورلڈکپ 1992 کی ٹرافی کو قذافی اسٹیڈیم میں رکھ دیا گیا ہے ، جہاں انکلوژرز میں بیٹھے شائقین کرکٹ ٹرافی کے ہمراہ سیلفیز اور تصاویر بنوارہے ہیں۔
Our own World Cup Trophy? Will it happen?
𝗜𝘁 𝗵𝗮𝗽𝗽𝗲𝗻𝗲𝗱. #OnThisDay in 1992, Imran Khan-led Pakistan were crowned @cricketworldcup champions for the first time after beating England in the final in Melbourne. 🏆#WeHaveWeWill pic.twitter.com/Nw6fibwpI7— Pakistan Cricket (@TheRealPCB) March 25, 2022
پی سی بی ورلڈکپ 1992 کی ٹرافی پاکستان اور آسٹریلیا کے ڈریسنگ روم میں بھی رکھے گا، اس کے علاوہ کرکٹ بورڈ ورلڈکپ 1992 کے فائنل کی تصویری جھلکیوں پر مشتمل سلائیڈ شو جاری کرے گا۔
پاکستان کرکٹ کا عالمی چیمپئن
پچیس مارچ انیس سو بانوے کو تمام پاکستانیوں اور خاص طور پر کرکٹ اورشائقین کرکٹ کے لیے ایک سنہرا اور یادگار دن مانا جاتا ہے کیونکہ اس روز پاکستان نے انگلینڈ کے خلاف میچ میں شاندار کارکردگی کا مظاہرہ کیا اور پہلی بار کرکٹ کا عالمی چیمپئن بنا۔
عمران خان کی قیادت میں نوجوان ٹیم نے ناقابل یقین کارکردگی دکھائی، میگا ایونٹ میں قومی ٹیم میں جوش و جذبہ دیدنی تھا، شائقین کرکٹ کے لیے وہ لمحات آج بھی ناقابل فراموش ہیں۔
