شوبز انڈسٹری کی معروف اداکارہ لائبہ خان کی تصاویر سوشل میڈیا پر وائرل ہوگئیں۔
فوٹو اور ویڈیو شیئرنگ ایپ انسٹاگرام پر اداکارہ لائبہ خان نے نئی تصاویر شیئر کیں جس میں انہیں نیلی ساڑھی میں خصوصی پوز دیتے دیکھا جاسکتا ہے۔
لائبہ خان نے تصاویر شیئر کرتے ہوئے آنکھوں کی ایموجیز بنائیں۔
انہوں نے گزشتہ روز یہ تصاویر شیئر کیں جسے ہزاروں کی تعداد میں مداح دیکھ چکے ہیں اور اس پر اپنی رائے کا اظہار بھی کررہے ہیں۔
لائبہ خان اکثر سوشل میڈیا پر اپنی تصاویر شیئر کرتی رہتی ہیں جس کا مقصد مداحوں کے ساتھ جڑے رہنا اور انہیں اپنی رومزرہ مصروفیات سے متعلق آگاہ کرنا ہوتا ہے۔
مداح بھی اداکاروں کی تصاویر کو پسند کرتے ہیں اور ان کا بے صبری سے انتظار بھی کرتے ہیں۔
اس سے قبل بھی لائبہ خان نے تصاویر شیئر کی تھیں جو وائرل ہوگئی تھی اور مداحوں کی جانب سے انہیں خوب سراہا گیا تھا۔
لائبہ خان اے آر وائی ڈیجیٹل کے متعدد ڈراموں میں اداکاری کے جوہر دکھا چکی ہیں جن میں کیسی تیری خود غرضی، انگنا، مقدر کا ستارہ ودیگر شامل ہیں۔
یاد رہے کہ اے آر وائی زندگی کے پروگرام ‘دی نائٹ شو ودھ ایاز سموں ‘ میں گفتگو کرتے ہوئے لائبہ خان نے اپنے ہمسفر سے متعلق بتایا تھا کہ میں یہ چاہتی ہوں کہ میری جس سے بھی شادی ہو وہ ایک اچھا انسان اور اس کا دل صاف ہو اور دوسروں کے احساس کو جاننے کا فن رکھتا ہو۔
اداکارہ کا کہنا تھا کہ کوئی بھی رشتہ طے کرتے وقت لڑکا یا لڑکی کی رائے نہ پوچھی جائے تو میرے خیال میں وہ رشتے زیادہ دیرپا نہیں ہوتے اور ان کا جلد اختتام ہوجاتا ہے۔
