شوبز انڈسٹری کی سینئر اداکارہ لیلیٰ زبیری پی ٹی آئی کے وومن ونگ کی ممبر بن گئیں۔
پاکستان کی موجودہ سیاسی صورت حال کے بعد عوام کے ساتھ ساتھ شوبز شخصیات بھی کھل کر پی ٹی آئی کو سپورٹ کرتی دکھائی دے رہی ہیں۔
اس سے قبل بھی پی ٹی آئی کے حقیقی آزادی مارچ میں اداکار ہارون شاہد، مریم نفیس ودیگر نے شرکت کی تھی۔
اب سوشل میڈیا پر وومن ونگ پی ٹی آئی کی جانب سے ایک ویڈیو شیئر کی گئی ہے جس میں معروف اداکارہ لیلیٰ زبیری پی ٹی آئی کے پلیٹ فارم سے نوجوان طبقے سمیت شہریوں سے مخاطب ہیں۔
لیلیٰ زبیری کا وومن ونگ کی ممبر بننے کے بعد پی ٹی آئی کے سینٹرل آفس سے عوام کیلئے خان صاحب کی دو جولائی کی کال کے حوالے سے اہم پیغام۔ pic.twitter.com/RHHEpIfVYL
— Women Wing PTI (@WomenwingPTI) June 27, 2022
واضح رہے کہ لیلیٰ زبیری نے 2014 میں پی ٹی آئی میں شمولیت اختیار کی تھی تاہم اب وہ وومن ونگ کی ممبر بھی بن گئی ہیں۔
