The news is by your side.

Advertisement

بھارت: فقیر کے پاس سے لاکھوں روپے برآمد

حیدر آباد: بھارتی شہر حیدر آباد میں ایک این جی او کے ورکر اس وقت ششدر رہ گئے جب انہوں نے ایک فقیر کے پاس سے لاکھوں روپے برآمد کیے، ورکرز اس فقیر کو کھانا فراہم کرنے پہنچے تھے۔

بھارتی میڈیا کے مطابق 58 سالہ فقیر ایک عمارت کے قریب بیٹھا تھا جہاں اسے دیکھ کر کچھ افراد نے ایک این جی او کو اطلاع کردی۔ این جی او کے ورکر فقیر کے لیے کھانا اور کپڑے لے کر وہاں پہنچے۔

ورکرز کے مطابق فقیر کے پاس 14 شرٹس تھیں اور ہر شرٹ کی جیبوں میں پیسے تھے۔ پیسوں کو صاف ستھرے پلاسٹک کور میں لپیٹا گیا تھا، گننے پر یہ رقم 2 لاکھ سے زائد نکلی۔

فقیر کے پاس رہنے کی جگہ نہ ہونے کے سبب اسے ایک پناہ گاہ میں منتقل کردیا گیا، فقیر کا کہنا تھا کہ اس کی بیوی اور ایک بیٹی بھی ہے جو کئی برس پہلے اس سے علیحدہ ہوگئے تھے جس کے بعد وہ شہر چھوڑ کر یہاں آگیا۔

اس کے مطابق وہ گزشتہ 3 برس سے بھیک مانگ رہا تھا۔

پولیس کے علم میں معاملہ لانے کے بعد پولیس نے اس کے اہلخانہ کی تلاش شروع کردی ہے تاکہ لکھ پتی فقیر کو اس کے گھر پہنچایا جاسکے۔

fb-share-icon0
Tweet 20

Comments

comments

یہ بھی پڑھیں