The news is by your side.

Advertisement

’لالہ نے دل جیت لیا‘

پاکستانی ڈرامہ انڈسٹری کی معروف اداکارہ اشنا شاہ نے پوسٹ شیئر کرتے ہوئے لکھا کہ ’لالہ نے دل جیت لیا۔‘

اداکارہ اشنا شاہ نے سماجی رابطے کی ویب سائٹ ٹویٹر پر پوسٹ شیئر کرتے ہوئے بتایا کہ وہ جس فلائٹ میں سفر کررہی تھیں اسی پرواز میں اسٹار کرکٹر شاہد آفریدی بھی موجود تھے۔

اشنا نے بتایا کہ پاکستان کرکٹ ٹیم کے سب سے بڑے اسٹارز کے ساتھ لوگ بہت عاجزی سے پیش آتے ہیں۔

انہوں نے بتایا کہ شاہد آفریدی نے میری حوصلہ افزائی کی اور دعاؤں سے بھی نوازا اور ہر اس شخص کے ساتھ اچھے سے پیش آئے جو ان کے پاس آیا تھا۔

اشنا شاہ نے بتایا کہ خاص طور پر بچوں کے ساتھ شاہد آفریدی کا رویہ بہت ہی اچھا تھا۔

اداکارہ نے پوسٹ کے آخر میں لکھا کہ ’لالہ نے دل جیت لیا۔‘ انہوں نے پوسٹ میں شاہد آفریدی کو مینشن بھی کیا۔

اداکارہ کی پوسٹ پر ایک مداح نے لکھا کہ ’آپ بھی پاکستان کا چمکتا ستارہ ہیں لیکن لالہ کی بات ہی کچھ اور ہے۔‘

ازنا شاہ نامی خاتون صارف نے لکھا کہ ’ہم آپ دونوں کے مداح ہیں۔‘کئی مداحوں نے شاہد آفریدی سے اتفاقیہ ملاقات ہونے پر اشنا شاہ کو لکی قرار دیا۔

Comments

یہ بھی پڑھیں