تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

لالو پرساد یادیوکوچارہ کرپشن کیس میں قید کی سزا

نئی دہلی : بھارتی ریاست بہار کے سابق وزیراعلیٰ لالو پرساد یادیو کو چارہ کرپشن کیس میں ساڑھے 3 سال قید کی سزا سنا دی گئی۔

تفصیلات کے مطابق سینٹرل بورڈ آف انڈیا کی خصوصی عدالت نے چارہ کرپشن کیس میں جرم ثابت ہونے پربہار کے سابق وزیراعلیٰ لالو پرساد یادیو کو ساڑھے 3 سال قید کی سزا سنا دی۔

خصوصی عدالت کے جج نے انڈین پینل کوڈ اور انسداد کرپشن ایکٹ کے تحت راشٹریہ جنتا دل کے سربراہ لالو پرساد یادیو پر 10 لاکھ روپے جرمانہ بھی عائد کیا۔

عدالتی حکم نامے میں کہا گیا ہے کہ اگرلالو پرساد یادیو جرمانہ ادا نہیں کرتے تو انہیں مزید 6 ماہ تک جیل میں رہنا پڑے گا۔

خیال رہے کہ 2013 میں بھارتی عدالت نے لالو پرساد یادیو کو 20 سال تک بہار حکومت کے خزانے سے جعلی ادویات اور مویشیوں کے لیے چارہ کے لیے دھوکہ دہی کے ذریعے 37 کروڑ 80 لاکھ روپے نکالنے کا مجرم ٹھہراتے ہوئے 5 سال قید کی سزا سنائی تھی۔

لالو پرساد یادیو نے کرپشن کے الزامات کو مسترد کرتے ہوئے اسے بی جے پی کی جانب سے سیاسی انتقام قرار دیا تھا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

- Advertisement -