The news is by your side.

Advertisement

لعنت تو کمزور لفظ ہے ورنہ میرے پاس کئی سخت الفاظ موجود تھے، عمران خان

دبئی: پاکستان تحریک انصاف (پی ٹی آئی) کے چیئرمین عمران خان نے کہا ہے کہ اسمبلی میں بیٹھے لوگ چوروں کو تحفظ فراہم کررہے ہیں، ایسے لوگوں کے لیے لعنت جیسا کمزور لفظ استعمال کیا۔

تفصیلات کے مطابق دبئی میں منعقدہ تقریب کے بعد اے آر وائی نیوز سے خصوصی گفتگو کرتے ہوئے عمران خان کا کہنا تھا کہ ’تحریک انصاف اور پیپلزپارٹی کے درمیان کوئی اتحاد نہیں، آصف زرداری کے اصل اتحادی نوازشریف ہیں کیونکہ دونوں نے مل کر کرپشن کی اور پیسہ بنایا‘۔

لعنت کا لفظ استعمال کرنے پر ہونے والی تنقید کے حوالے سے عمران خان کا کہنا تھا کہ ’اسمبلی میں بیٹھے لوگ چوروں کو تحفظ فراہم کررہے ہیں، میرے پاس اس سے سخت الفاظ تھے مگر وہ میں نے جان بوجھ کر استعمال نہیں کیے‘۔

عمران خان کا کہنا تھا کہ ’یہ لوگ مخالفین کو دبانے کے لیے پولیس استعمال کرتے ہیں، میرے خلاف انسداد دہشت گردی کی عدالت میں 6 مقدمات درج کیے گئے‘۔

مزید پڑھیں: پارلیمنٹ کو گالی نہیں دی جاسکتی، آصف زرداری

چیئرمین تحریک انصاف کا مزید کہنا تھا کہ ’ہم مدرسے کے بچوں کو جدید تعلیم دینا چاہتے ہیں  تاکہ وہ بھی معاشرے کے ساتھ چل سکیں اور بہتر زندگی گزاریں‘۔

دبئی میں شوکت خانم میموریل اسپتال کے لیے عطیات جمع کرنے کا پروگرام ہوا جس میں لوگوں نے عمران خان پر بھروسہ کرتے ہوئے 9 لاکھ ڈالرز کا فنڈ دیا۔

عمران خان نے لوگوں کا شکریہ ادا کرتے ہوئے کہا کہ ’لوگوں کو قائد اعظم کی طرح غریبوں کی مدد کرنی چاہیے‘۔

واضح رہے کہ تین روز قبل پاکستان عوامی تحریک کی جانب سے منعقدہ جلسے سے خطاب کرتے ہوئے شیخ رشید نے اسمبلی کے خلاف نازیبا الفاظ استعمال کرتے ہوئے رکن قومی اسمبلی کی نشست سے استعفیٰ دینے کا اعلان کیا گیا بعد ازاں عمران خان نے بھی پارلیمنٹ کے خلاف سخت زبان استعمال کیا تھا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں