The news is by your side.

Advertisement

پاک فوج کے ہیرو لانس نائیک محمد محفوظ شہید کا 72واں یومِ پیدائش

راولپنڈی: پاک بھارت جنگ کے دوران دشمن فوج سے بہادری اور دلیری کے ساتھ مقابلہ کر کے جامِ شہادت حاصل کرنے اور نشانِ حیدر کا اعزاز پانے والے پاک فوج کے ہیرو لانس نائیک محمد محفوظ شہید کا 72 واں یومِ پیدائش منایا جارہا ہے۔

تفصیلات کے مطابق لانس نائیک محمد محفوظ شہید 25 اکتوبر 1944 کو ضلع راولپنڈی کے گاؤں پنڈ مالکاں (محفوظ آباد) میں پیدا ہوئے، انہوں نے 25 اکتوبر 1962 کو پاک فوج کی پنجاب رجمنٹ میں شمولیت اختیار کی۔

محمد محفوظ شہید نے 1965 کی پاک بھارت جنگ میں شاندار خدمات سرانجام دیں جبکہ 1971 کی پاک بھارت جنگ میں پنجاب رجمنٹ کمپنی اے کے ساتھ وابستہ ہوئے اور واہگہ آٹاری کے مقام پر اپنے فرائض انجام دینے لگے۔

پڑھیں:  نشان حیدر پانے والے فوج کے 10 بہادر سپوت

پاک بھارت جنگ کے دوران انہوں نے حکم کی تعمیل کرتے ہوئے ’’پُرکانجری‘‘ گاؤں کی طرف پیش قدمی شروع کی تاہم مخالف فوج نے پاکستان آرمی پر فائرنگ شروع کردی، پاک فوج نے جوابی کارروائی کرتے ہوئے دشمن کو بھاری جانی و مالی نقصان بھی پہنچایا۔

لانس نائیک محمد محفوظ نے واہگہ کے مقام پر دشمن سے دلیری اور شجاعت کے ساتھ مقابلہ کیا اور 17 دسمبر 1971 کو جام شہادت نوش کیا، پاک فوج نے شہید کی خدمات کو مدنظر رکھتے ہوئے اُنہیں نشانِ حیدر جیسے اعلیٰ ترین اعزاز سے نوازا۔

Comments

comments

یہ بھی پڑھیں