کراچی: ایف آئی اے نے جعلی فائلوں پر زمینوں پر قبضہ کرنے والے 3 ملزمان پکڑ لیے ہیں۔
تفصیلات کے مطابق ایف آئی اے اینٹی کرپشن سرکل کراچی نے ایک کارروائی میں جعلی فائلوں کے نام پر زمینوں پر قبضے میں ملوث 3 افراد کو گرفتار کر لیا ہے۔
ترجمان ایف آئی اے کے مطابق گرفتار افراد پلاٹوں کی جعلی فائلیں تیار کرنے میں ملوث ہیں، ملزمان نے پاکستان آڈٹ ڈیپارٹمنٹ ایمپلائز ہاؤسنگ سوسائٹی کے پلاٹوں کی جعلی فائلیں تیار کیں۔
گرفتار افراد میں عبدالسلام مندرو، اختر علی اور محمد انیق شامل ہیں، ایف آئی اے کا کہنا ہے کہ سندھ کوآپریٹیو ڈیپارٹمنٹ، ان لینڈ ریونیو ملازمین کے خلاف بھی مقدمہ درج ہے اور ملزمان کی گرفتاری کے لیے چھاپے مارے جا رہے ہیں۔
نذیر شاہ کراچی میں اے آر وائی نیوز سے وابستہ نمائندہ خصوصی ہیں، وہ 16 سال سے زائد عرصے سے اپنے شعبے میں مصروف عمل ہیں اور انویسٹیگیٹو نیوز بریکنگ میں مہارت رکھتے ہیں، اور کراچی کے جرائم اور پولیس نظام سے متعلق گہری سمجھ بوجھ کے حامل ہیں۔