مٹی کا تودہ گرنے سے 11 افراد ہلاک، درجنوں لاپتا Landslide in Indonasia
The news is by your side.

Advertisement

مٹی کا تودہ گرنے سے 11 افراد ہلاک، درجنوں لاپتا

جکارتہ: انڈونیشیا میں مٹی کا تودہ گرنے سے 11افرادہلاک اور درجنوں لاپتا ہوگئے ریسکیو اداروں نے ہلاکتوں میں اضافے کا خدشہ ظاہر کیا ہے۔

انڈونیشیا کے جزیرہ جاوا میں ایک گاؤں پر مٹی کا تودہ گرنے سے 11افراد ہلاک اور درجنوں افراد لاپتہ ہوگئے ،حادثے کے بعد فوج، پولیس اور رضاکاروں سمیت امدادی محکمے کے ارکان جائے وقوع پر پہنچ گئے اور لاپتا افراد کی تلاش شروع کردی۔

انڈونیشیا ڈیزاسٹر مینجمنٹ ادارے نے تصدیق کی ہے کہ جاوا کے قریبی جزیرے میں گرنے والے مٹی کے تودے کی زد میں آ کر کم از کم 11 افراد ہلاک ہو ئے تاہم اس میں اضافہ ہوسکتا ہے۔

مٹی کا تودہ گرنے سے بہت سے مکانات اور گاڑیوں کو بھی شدید نقصان پہنچا جب کہ سرسبز فصلیں بھی اس کی زد میں آکر مکمل تباہ ہو گئیں۔ واضح رہے انڈونیشیا میں موسمی بارشیں اکثر سیلاب اور مٹی کے تودے گرنے کا سبب بنتی ہیں۔

Comments

comments

یہ بھی پڑھیں