The news is by your side.

عماد وسیم سب سے مہنگے پاکستانی کھلاڑی بن گئے

کولمبو: قومی ٹیم کے آل راؤنڈر عماد وسیم  لنکا پریمیئر لیگ کے سب سے مہنگے پاکستانی کھلاڑی بن گئے۔

تفصیلات کے مطابق سری لنکا کی ٹی ٹوئنٹی لیگ لنکا پریمیئر لیگ میں 9 پاکستانی کرکٹرز کو مختلف فرنچائزز نے منتخب کرلیا ہے، جن میں عماد وسیم، آصف علی، فہیم اشرف، شعیب ملک، شاہنواز دھانی اعظم خان، حیدر علی، عثمان شنواری اور سرفراز احمد شامل ہیں۔

قومی کرکٹر میں عماد وسیم کو سب سے زیادہ 60 ہزار ڈالرز میں گال گلیڈی ایٹرز نے اپنا بنالیا ہے۔ آصف علی (50ہزار ڈالر)کولمبو اسٹارز، فہیم اشرف (50ہزار ڈالر) گال گلیڈی ایٹرز، شعیب ملک (40ہزار ڈالر)جافنا کنگز،شاہنوار دھانی (25ہزار ڈالر)جافنا کنگز کی نمائندگی کریں گے۔

اعظم خان (25 ہزار ڈالر)گال گلیڈی ایٹرز، حیدر علی (25 ہزار ڈالر) دمبولا جائنٹس، عثمان شنواری (15 ہزار ڈالر)کینڈی فالکنز،سرفراز احمد (15ہزار ڈالر) گال گلیڈی ایٹرز میں شامل کیے گئے ہیں۔

خیال رہے کہ سری لنکن پریمییئر لیگ کا تیسرا ایڈیشن 31 جولائی سے21  اگست تک کھیلا جائے گا، ٹورمامنٹ میں 5 ٹیمیں شرکت کرے گی اور ان کے درمیان کل 24 میچ کھیلے جائیں گے۔ میچز کولمبو اور ہمبنٹوٹا میں ہوں گے۔

Comments

یہ بھی پڑھیں