سندھ کے طلبہ کو لیپ ٹاپ دینے کی درخواست پر سندھ ہائیکورٹ سکھر نے تحریری فیصلہ جاری کر دیا۔
عدالتی فیصلے میں کہا گیا ہے کہ سندھ حکومت آئندہ مالی سال کے بجٹ میں لیپ ٹاپ پالیسی متعارف کرائے اور چیف سیکریٹری تمام اداروں سےمشاورت کر کے 45دن میں لیپ ٹاپ اسکیم کو حتمی شکل دیں۔
جسٹس امجد علی بوھیو اور جسٹس علی حیدرادا پر مشتمل بینچ نے تحریری فیصلہ جاری کرتے ہوئے کہا کہ آئین کے آرٹیکل 25اےکے تحت تعلیم کو جدید دور کے تقاضوں کے ہم آہنگ ہونا چاہیے۔
عدالت نے کہا کہ موجودہ دور میں ڈیجیٹل آلات آسائش نہیں بلکہ بنیادی ضرورت ہیں اور اسکول، کالج اور یونیورسٹی کے طلبہ کو میرٹ کی بنیاد پر لیپ ٹاپ دیئے جائیں، عدالتی احکامات پر 4 اگست تک عملدرآمد کر کے رپورٹ پیش کی جائے۔
ایڈووکیٹ سہیل میمن کی درخواست پر سندھ ہائیکورٹ سکھر بینچ نے تحریری فیصلہ جاری کیا ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں