میٹرک کی طالبہ ہوٹل کی چھٹی منزل سے گرکرجاں بحق -
The news is by your side.

Advertisement

میٹرک کی طالبہ ہوٹل کی چھٹی منزل سے گرکرجاں بحق

لاہور: میٹرک کی طالبہ ہوٹل کی چھٹی منزل سے مبینہ طور پر گرکرجاں بحق ہوگئی ،گھروالوں کا کہنا ہے کہ سیلفی لیتے ہوئے گری، پولیس کو جائےوقوعہ سےموبائل فون نہیں ملا۔

تفصیلات کے مطابق لاہورکے ایک ہوٹل کی چھٹی منزل سےسولہ سال کی لاریب مریم نیچےگر گئی، متوفیہ لاریب مریم کے والد ڈاکٹر طارق نے پولیس کو بتایا کہ بچے کھیل رہے تھےپتہ نہیں کیسےحادثہ ہوگیا۔

پولیس کا کہنا ہے لاریب بہن کے ساتھ چوتھی منزل سے چھت پر گئی ۔سیلفی لینے دیوار پر چڑھی توگارڈ نےمنع کیا لیکن دیر ہوگئی۔

واقعے کے بعد پولیس نے لاش کو تحویل میں لے کر اسپتال پہنچایا، پولیس کے مطابق جائے وقوعہ سے متوفیہ کا موبائل فون نہیں ملا ہے۔

پولیس نے سی سی ٹی وی فوٹیج قبضے میں لے کربیروں اور گارڈز سےپوچھ گچھ کی ،لاریب کی فیملی ڈی جی خان سےلاہور تفریح کرنے کے غرض سے آئی تھی، تاہم پولیس دیگر زاویوں سے بھی تفتیش کررہی ہے۔

 

Comments

comments

یہ بھی پڑھیں