The news is by your side.

Advertisement

فیصل آباد جلسے سے قبل عمران خان کو بڑی کامیابی مل گئی

اسلام آباد : فیصل آباد سے وکلا کے بڑے گروپ نے تحریک انصاف میں شمولیت کا باضابطہ اعلان کردیا۔

تفصیلات کے مطابق فیصل آباد جلسے سے قبل کپتان کو بڑی کامیابی مل گئی , فیصل آباد سے وکلا کے بڑے گروپ نے پی ٹی آئی میں شمولیت کا باضابطہ اعلان کردیا۔

شمولیت اختیار کرنے والے وفد نے چیئرمین پاکستان تحریک انصاف سے ملاقات کی ، ملاقات میں وائس چیئرمین شاہ محمود قریشی، مرکزی سینئر نائب صدر فوادچوہدری ، فرخ حبیب، حسن نیازی، رکن صوبائی اسمبلی لطیف نذ بھی موجود تھے۔

ملاقات میں سابق صدر فیصل آباد بارشہزاد چیمہ نے پی ٹی آئی میں شمولیت کا اعلان کرتے ہوئے بیرونی سازش کےنتیجےمیں منتخب جمہوری حکومت کے خاتمے کی شدید مذمت کی۔

وکلا نمائندوں نے حقیقی آزادی وغلامی نامنظورکے ایجنڈے پر عمران خان کا بھرپور ساتھ دینے اور اسلام آباد مارچ میں شرکت کا بھی اعلان کردیا۔

وکلا نمائندوں نے آئینی اسکیم سے چھیڑچھاڑ اور اختیارات کی تثلیث کی عدم تعظیم پر تحفظات کا اظہار کیا۔

اس موقع پر عمران خان نے شمولیت اختیار کرنے والے وکلاء کا خیر مقدم کرتے ہوئے کہا حکومت کوسازش سے ختم کرنے کا رجحان جمہوریت کیلئے تباہ کن ہے، آزاد فیصلہ سازی کے بغیر قائد و اقبال کی منزل تک رسائی ممکن نہیں۔

چیئرمین پی ٹی آئی کا کہنا تھا کہپ غلام قوموں کا حال اپنا ہوتا ہے نہ مستقبل کی کوئی امنگ،قوم اپنی آزادی و خود مختاری کے تحفظ کیلئے یکسو اور تیار ہے۔

انھوں نے روز دیا کہ تمام شعبہ ہائےزندگی سے تعلق رکھنے والے افراد آگے بڑھیں اور قوم کو غلامی سے نجات دلوانے کیلئے کردار ادا کریں۔

Comments

یہ بھی پڑھیں