اترپردیش: بھارتی شہر غازی آباد میں بینک کے اے ٹی ایم مشین کے اندر سانپ گھسنے کی ویڈیو وائرل ہوگئی۔
تفصیلات کے مطابق بھارتی ریاست اترپردیش کے شہر غازی آباد کے ایک اے ٹی ایم کے اندر سانپ گھس کیا جس کے باعث اے ٹی ایم سے پیسے نکلوانے کے لیے آنے شہری سانپ دیکھ کر خوفزدہ ہوگئے۔
آئی سی آئی بینک کے اے ٹی ایم میں ریکارڈ کردہ ویڈیو میں دیکھا گیا کہ سیکورٹی گارڈ نے اے ٹی ایم کا دروازہ لاک کر دیا جس کے باعث سانپ باہر نہیں نکل سکا۔
فوٹیج میں دیکھا جا سکتا ہے کہ سانپ اے ٹی ایم پر چڑھ رہا ہے اور مشین کے سب سے اوپر والے سوراخ میں گھس گیا۔
بھارت میں اے ٹی ایم مشین سے سانپ نکل آیا، شہری خوفزدہ
اس سے قبل گزشتہ ماہ تامل ناڈو کے نجی بینک کی ایک اے ٹی ایم مشین کے اندر 4 فٹ لمبا کوبرا سانپ گھس آیا تھا جس کے باعث اے ٹی ایم سے پیسے نکلوانے کے لیے آنے والے شہری مشین میں سانپ دیکھ کر خوفزدہ ہوگئے تھے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں