The news is by your side.

Advertisement

زمین کے سب سے بڑے ڈائنو سار کا پاؤں دریافت

امریکی ریاست وومنگ میں ایک بڑے ڈائنو سار کا پاؤں دریافت کیا گیا ہے۔ ماہرین کا کہنا ہے کہ یہ زمین پر پایا جانے والا سب سے بڑا ڈائنو سار تھا۔

ماہرین کا کہنا ہے کہ یہ ڈائنو سار بریچیو سارز کی نسل سے تعلق رکھتا تھا اور سبزی خور ہوا کرتا تھا۔ یہ ہماری زمین پر 15 کروڑ سال قبل موجود ہوتا تھا۔

ماہرین آثار قدیمہ کو ملنے والے پاؤں کا پنجہ 3 فٹ لمبا جبکہ اس کی ران کی ہڈی 6.8 فٹ طویل ہے۔

اسے دریافت کرنے والے ماہرین کا کہنا ہے کہ اب تک سینکڑوں ڈائنو سارز کے جسم کے اعضا ملے ہیں اور یہ اب تک ملنے والے تمام اعضا میں سب سے بڑا عضو ہے۔

ڈائنو سارز پر کی جانے والی تحقیق میں شامل پروفیسر انتھونی میلٹیز کا کہنا ہے کہ میں ہمیشہ سوچا کرتا تھا کہ سب سے طویل القامت ڈائنو سار کون سا ہوسکتا ہے، اور اب مجھے اس کا جواب مل گیا ہے۔

ماہرین کا کہنا ہے کہ زمین پر اس سے زیادہ بڑے جانور بھی موجود ہیں لیکن یہ سب سے بڑے جانور کی موجودگی کا پہلا مصدقہ ثبوت ہے۔

مزید پڑھیں: 5 سال بعد ہماری زمین پر ڈائنو سار بھی ہوں گے


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں