غزہ(19 مارچ 2026): انسانی حقوق کے کارکنوں کے عالمی اتحاد ‘صمود فلوٹیلا’ نے جنگ زدہ غزہ کے محصور عوام کے لیے اب تک کے سب سے بڑے امدادی مشن کا اعلان کر دیا ہے۔
اس مشن میں عالمی شہرت یافتہ ماحولیاتی کارکن گریٹا تھنبرگ اور جنوبی افریقہ کے عظیم رہنما نیلسن منڈیلا کے پوتے منڈلا منڈیلا بھی شامل ہوں گے، انسٹاگرام پر جاری کردہ ایک ویڈیو بیان میں منڈلا منڈیلا اور گریٹا تھنبرگ نے بتایا کہ سو کشتیوں پر مشتمل یہ بڑا قافلہ امدادی سامان لے کر غزہ روانہ ہوگا۔
انہوں نے دنیا بھر کے ممالک اور عوام سے اپیل کی ہے کہ وہ اس انسانی مشن کا حصہ بنیں اور غزہ کی ناکہ بندی ختم کرنے میں اپنا کردار ادا کریں۔
View this post on Instagram
کارکنوں کا کہنا ہے کہ غزہ میں جاری انسانی بحران کے پیش نظر یہ اقدام ناگزیر ہو چکا ہے اور وہ ہر خطرے کے باوجود محصورین تک پہنچنے کی کوشش کریں گے۔
یہ اعلان ایک ایسے وقت میں سامنے آیا ہے جب خطے میں کشیدگی عروج پر ہے اور انسانی حقوق کی تنظیمیں مسلسل غزہ میں فوری امداد کی فراہمی کا مطالبہ کر رہی ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں