The news is by your side.

Advertisement

لاڑکانہ، بچے کو اسپتال لے جانے والے والدین سے پولیس اہلکار کی بدتمیزی

لاڑکانہ: سندھ کے شہر لاڑکانہ میں بچے کو اسپتال لے جانے والے والدین سے بدتمیزی کرنے والے پولیس اہلکار اور انسپکٹر کو معطل کردیا گیا۔

اے آر وائی نیوز کی رپورٹ کے مطابق لاڑکانہ میں لاک ڈاؤن کے دوران پولیس نے والدین کو روکا اور کمسن بچے کو اسپتال جانے نہیں دیا گیا۔

سبحال اللہ چوک پر اہلکار نے بچے کے والد سے بدتمیزی کی اور مغلظات بکتا رہا، گولیمار کے علاقے سے آنے والے والدین کو چانڈکا اسپتال جانا تھا۔

نمائندہ اے آر وائی نیوز کے مطابق بے بس باپ گود میں بیمار بچے کو اٹھا کر التجا کرتا رہا کہ اسپتال جانے دیا جائے لیکن اہلکار نے انہیں اسپتال نہیں جانے دیا۔

ذرائع کا کہنا ہے کہ موقع پر موجود یوسی 8 کا چیئرمین خاموش تماشائی بنا رہا، سبحان اللہ چوک پر یوسی چیئرمین کی موٹرسائیکل کو لاک ڈاؤن کراس کراکر جانے دیا گیا۔

ڈی آئی جی لاڑکانہ عرفان بلوچ اور ایس ایس پی مسعود بنگش نے واقعے نوٹس لیتے ہوئے راستہ روکنے اور بچے کے والدین سے بدتمیزی کرنے پر انسپکٹر اور اہلکار کو معطل کردیا۔

ڈی آئی جی لاڑکانہ عرفان بلوچ نے واقعے کی مکمل انکوائری کرانے کے احکامات جاری کردئیے۔

Comments

یہ بھی پڑھیں