ہفتہ, فروری 15, 2025
اشتہار

خیرپور: کچے کے علاقے میں پولیس کا بڑا آپریشن، 7 ڈاکو مارے گئے

اشتہار

حیرت انگیز

لاڑکانہ : خیر پور میں  کچے کے علاقے میں پولیس نے بڑی کارروائی کرتے ہوئے بدنام ڈاکو پٹھان اور اقبال ناریجو سمیت مبینہ7 ڈاکو ہلاک کردیے اور بھاری مقدار میں اسلحہ برآمد کرلیا۔

تفصیلات کے مطابق لاڑکانہ پولیس کو ملنے والی خفیہ اطلاع پر ایس ایس پی مسعود بنگش کی قیادت میں پولیس کی بھاری نفری نے کیٹی ممتاز کے قریب خیر پور اور لاڑکانہ کے کچے کے علاقے میں بڑا آپریشن کیا ، آپریشن کے دوران موجود ڈاکووں اور پولیس میں فائرنگ کا تبادلہ ہوا، جو سات گھنٹوں سے زائد جاری رہا۔

جس کے نتیجے میں 7 ڈاکو ہلاک ہوگئے جب کے پولیس نے بھاری تعداد میں جدید اسلحہ بھی بر آمد کرکے ڈاکوؤں کی آماج گاہوں کو تباہ کردیا، برآمد ہتھیاروں میں اینٹی ائیر کرافٹ گن راکٹ لانچر و دیگر شامل ہیں۔

ایس ایس پی مسعود بنگش نے بتایا کہ ہلاک ڈاکووں میں سندھ کے بدنام ڈاکو پٹھان اور اقبال ناریجو بھی شامل ہیں، جو ایک سو سےزائد سنگین نوعیت کے مقدمات میں پولیس کو مطلوب تھے، جب کی ان کی سر کی قیمت 10۔ 10 لاکھ روپے مقرر کی گئی تھی۔

ایس ایس پی مسعود بنگش کا کہنا تھا کے 7 ڈاکووں کی ہلاکت لاڑکانہ پولیس کی بڑی کامیابی ہے، جس سے سندھ کے کچے میں امن امان کی صورت حال مزید بہتر ہوگی۔

دوسری جانب 7 گھنٹوں سے زائد جاری رہنے والے لاڑکانہ پولیس کے آپریشن سے متعلقہ خیرپور پولیس مکمل طور پر لاعلم ہیں۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں