The news is by your side.

Advertisement

لاڑکانہ: سود خوروں نے رقم کے بدلے کم سن بچیاں مانگ لیں

لاڑکانہ: سود خوروں نے قرٖض کے بدلے مقروض کی بیٹیاں مانگ لیں، نو اور بارہ سالہ بچیوں کی دادی لاڑکانہ پریس کلب پر احتجاج اور دہائی دینے پر مجبور ہوگئی، سندھ حکومت اور آئی جی سندھ سے مدد کی اپیل کردی۔

تفصیلات کے مطابق لاڑکانہ کے رہائشی اعجاز نے سود خوروں سے قرضہ لیا تھا اور اب لاپتہ ہے، 10 لاکھ روپے کی عدم ادائیگی کے باعث سود خور اس کی بچیاں فروخت کرنے یا اپنے حوالے کرنے کا مطالبہ کررہے ہیں۔

بے بس دادی اپنے بیٹے کے لاپتہ ہونے کے بعد پوتیوں کے ساتھ پریس کلب کے سامنے اعلیٰ حکام سے فریاد کرنے پہنچ گئی، بارہ سالہ مریم اور نوسالہ زینب کی دادی نے روتے ہوئے صحافیوں کو بتایا کہ وہ کسی قیمت پربھی اپنی پوتیوں کو سود خوروں کےحوالے نہیں کریں گی۔

انہوں نے کہا کہ میری پوتیوں کی زندگی اورعزت خطرے میں ہے، سود خوروں نے زندگی مشکل کردی، ان کی دھمکیوں سے گھبرا کرگھر سے بے گھر ہوگئی ہوں۔

ان کڑے حالات میں بچیاں اپنے باپ کو ڈھونڈ رہی ہیں۔ معصوم بچیاں اپنے بھیانک مستقبل کی جھلک دیکھ کرخوفزدہ ہیں۔ دادی کی اپیل ہے کہ حکومت سندھ اور آئی جی پولیس ان کی مدد کریں۔

Print Friendly, PDF & Email

Comments

comments

یہ بھی پڑھیں