حب: لسبیلہ کے علاقے اوتھل میں زیروپوائنٹ کے قریب مسافر کوچ اور ٹرک کے درمیان خوفناک تصادم کے نتیجے میں 7 افراد جاں بحق ہوگئے۔
تفصیلات کے مطابق لسبیلہ کے علاقے اوتھل زیرو پوائنٹ کے قریب مسافر کوچ اور پتھروں سے لوڈ ٹرک میں خوفناک تصادم ہوا ، جس کے نتیجے میں سات افراد جاں بحق اور سترہ زخمی ہوگئے۔
پولیس نے بتایا کہ جاں بحق افراد میں ایک خاتون اور دو بچے بھی شامل ہیں تاہم تمام زخمیوں کو ڈسٹرکٹ ہیڈ کوارٹر اسپتال اوتھل منتقل کیا گیا، جہاں سے پانچ شدید زخمیوں کو سول اسپتال کراچی ریفر کیا جا رہا ہے۔
ایس ایس پی لسبیلہ کا کہنا تھا کہ مسافر کوچ پنجگور سے کراچی جارہی تھی کہ حادثہ پیش آیا، تصادم کے بعد کوچ اور ٹرک کو شدید نقصان پہنچا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں