تازہ ترین

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

اسٹیٹ بینک کا پرانے نوٹ کی تبدیلی سے متعلق اہم اعلان

کراچی: اسٹیٹ بینک آف پاکستان (ایس بی پی) نے وفاقی حکومت کی منظوری کے بعد 10، 50، 100 اور 1000 روپے کے پرانے بینک نوٹ تبدیل کرنے کی آخری تاریخ میں توسیع کا اعلان کردیا۔

اسٹیٹ بینک آف پاکستان (ایس بی پی) کی جانب سے جاری کردہ ایک بیان کے مطابق حکومت نے عوام کی سہولت کے لیے 10، 50، 100 اور 1000 روپے کے پرانے بینک نوٹوں کو تبدیل کرنے کی آخری تاریخ میں 31 دسمبر 2022 تک توسیع کردی ہے۔

مرکزی بینک نے بتایا کہ پرانے کرنسی نوٹ ایس بی پی بینکنگ سروسز کارپوریشنز کے دفاتر سے بدلے جا سکتے ہیں۔

بیان میں کہا گیا کہ "یہ بینک نوٹ کراچی، لاہور، پشاور، کوئٹہ، اسلام آباد، راولپنڈی، فیصل آباد، ملتان، گوجرانوالہ، حیدرآباد، سیالکوٹ، سکھر، بہاولپور، مظفر آباد اور ڈی آئی خان میں واقع ایس بی پی بی ایس سی آفس سے تبدیل کروائے جاسکتے ہیں۔ "

نوٹ کیوں بدلے گئے؟

مرکزی بینک نے واضح کیا کہ اسٹیٹ بینک ملک میں بینک نوٹوں کا واحد جاری کنندہ ہے جو ملک بھر میں اچھے معیار کے بینک نوٹوں کی مناسب فراہمی کو یقینی بنانا اس کے اہم اسٹریٹجک اہداف میں شامل ہے۔

اسٹیٹ بینک مارکیٹ سے گندے اور ناکارہ بینک نوٹ اکٹھا کرتا ہے اور ان کی جگہ تازہ نوٹ لے لیتا ہے دیگر مرکزی بینکوں کی طرح، SBP وقتاً فوقتاً بینک نوٹوں کی نئی سیریز جاری کرتا ہے

نئی سیریز کا اجرا اور پرانے ڈیزائن کے بینک نوٹوں کی منسوخی سے مرکزی بینکوں کو جعلی نوٹوں کی روک تھام اور گردش میں بینک نوٹوں کی سالمیت کو یقینی بنانے میں مدد ملتی ہے۔

بینک نوٹوں کی نئی سیریز 2005 سے 2008 تک جاری کی گئی تھی اور پرانے ڈیزائن کے بینک نوٹوں کو آہستہ آہستہ گردش سے ہٹا دیا گیا ہے اس لیے وفاقی حکومت نے 10، 50، 100 اور 1000 روپے کے پرانے ڈیزائن کے بینک نوٹوں کو ختم کرنے کا فیصلہ کیا ہے۔

Comments

- Advertisement -