The news is by your side.

Advertisement

بیرون ملک مقیم پاکستانی ووٹرزکے لیے رجسٹریشن کرانے کا آج آخری دن

اسلام آباد : بیرون ملک مقیم پاکستانی ووٹرز کے لیے رجسٹریشن کرانے کا آج آخری دن ہے، الیکشن کمیشن نے رجسٹریشن کے لیے مقررہ تاریخ میں 17 ستمبر تک توسیع کی تھی۔

تفصیلات کے مطابق الیکشن کمیشن آف پاکستان نے بیرون ممالک پاکستانیوں کی ووٹ رجسٹریشن کا عمل یکم ستمبر سے شروع کیا تھا جس کا آج آخری دن ہے۔

الیکشن کمیشن آف پاکستان کے مطابق بیرون ملک مقیم پاکستانی ووٹ رجسٹریشن کی تاریخ میں توسیع سے فائدہ اٹھاتے ہوئے اپنے ووٹ کا اندراج یقینی بنائیں تاکہ وہ اگلے ماہ کی 14 تاریخ کو ہونے والے ضمنی انتخابات میں اپنا حق رائے دہی استعمال کرسکیں۔

یاد رہے کہ یکم ستمبر کو الیکشن کمیشن کے شعبہ تعلقات عامہ کے ڈائریکٹرجنرل کا کہنا تھا کہ یہ ایک آزمائشی منصوبہ ہے اور بیرون ملک مقیم پاکستانی آئندہ ضمنی انتخابات میں اپنا حق رائے دہی استعمال کرنے کے لیے اپنے ووٹ رجسٹر کراسکتے ہیں۔

ندیم قاسم کا کہنا تھا کہ سات لاکھ سے زائد بیرون ملک مقیم پاکستانی اس نئے نظام کے ذریعے اپنے ووٹ کا اندراج کراسکیں گے۔

سپریم کورٹ نے بیرون ملک مقیم پاکستانیوں کو ووٹ کا حق دے دیا

واضح رہے کہ گزشتہ ماہ 17 اگست کو سپریم کورٹ نے بیرون ملک مقیم پاکستانیوں کو ووٹ کا حق دیا تھا، اوورسیز پاکستانی ضمنی انتخابات میں ووٹ ڈال سکیں گے۔

Comments

comments

یہ بھی پڑھیں