The news is by your side.

Advertisement

ہاکی کی آخری چیمپئنز ٹرافی، روایتی حریف پاک بھارت کا ٹاکرا

ایمسٹر ڈیم: ہاکی کی آخری چیمپئنز ٹرافی آج سے ہالینڈ میں شروع ہوگی جس کے پہلے میچ میں روایتی حریف پاکستان اور بھارت کی ٹیمیں ٹکرائیں گی۔

تفصیلات کے مطابق ہاکی کی آخری چیمپئنز ٹرافی آج سے ہالینڈ میں شروع ہوگی جس کے بعد اس ایونٹ کا سلسلہ ختم ہوجائے گا، ٹورنامنٹ کا آغاز سب سے بڑے معرکے کے ساتھ ہوگا جہاں پاکستان اور بھارت کی ٹیمیں دو دو ہاتھ کریں گی۔

ہالینڈ میں آج پاکستان اور روایتی حریف بھارت آمنے سامنے ہوں گے جس کے لیے گرین شرٹس نے تیاریاں تیز کردی ہیں، میچ آج شام پانچ بجے شروع ہوگا۔

ٹورنامنٹ میں چھ ٹیمیں شریک ہیں جن میں عالمی چیمپئن آسٹریلیا، اولمپک چیمپئن ارجنٹینا اور میزبان ہالینڈ کے علاوہ بیلجیئم، بھارت اور پاکستان شامل ہیں، پاکستان تین مرتبہ چیمپئنز ٹرافی اپنے نام کرچکا ہے۔


کامن ویلتھ گیمز: پاکستان اوربھارت کےدرمیان ہاکی میچ 2-2 سے برابر


خیال رہے کہ پاکستان ہاکی فیڈریشن کے سابق صدر ائیر مارشل (ریٹائرڈ ) نور خان نے چیمپئنز ٹرافی کا خیال پیش کیا تھا اور انھوں نے ہی اس ٹورنامنٹ کے لیے خصوصی طور پر ٹرافی تیار کرائی تھی۔

واضح رہے کہ پہلی چیمپیئنز ٹرافی سنہ 1978 میں لاہور میں منعقد ہوئی تھی جس میں پانچ ٹیمیں شریک ہوئی تھیں۔ پاکستان نے اصلاح الدین کی قیادت میں یہ ٹورنامنٹ جیتا تھا۔


ایشیا ہاکی کپ، بھارت نے پاکستان کو شکست دے دی


دنوں ملکوں کے شائقین کو میچ کے آغاز کا بے صبری سے انتظار ہے، روایتی حریف (پاکستان اور بھارت) کا میچ سنسنی خیز تصور کیا جارہا ہے، جیت کے لیے گرین شرٹس جم کر پریکٹس بھی کررہے ہیں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں