پاکستانی واپسی سے قبل نوازشریف اور کلثوم نواز کے درمیان ہونے والی آخری ملاقات کی ویڈیو
The news is by your side.

Advertisement

پاکستان واپسی سے قبل نوازشریف، کلثوم نواز کے درمیان ہونے والی آخری ملاقات کی ویڈیو

اسلام آباد: سابق وزیراعظم نوازشریف کی کلثوم نواز سے ہونے والی آخری ملاقات کی ویڈیو سامنے آگئی.

تفصیلات کے مطابق آج سابق خاتون اول اور میاں نواز شریف کی بیگم کلثوم نواز برطانیہ میں‌ انتقال کر گئیں، وہ طویل عرصے سے گلے کے سرطان میں‌ مبتلا تھیں.

اس موقع پر محترمہ کلثوم نواز اور میاں نوازشریف کے درمیان ہونے والی آخر ی ملاقات کی ویڈیو منظر عام پر آئی ہے، جس میں میاں نوازشریف شریف ان سے بات کرنے کی کوشش کر رہے ہیں.

ویڈیو میں‌ دیکھا جاسکتا ہے کہ محترمہ کلثوم نواز بے ہوشی کی حالت میں‌ ہیں اور میاں نوازشریف کی باتوں کا کوئی جواب نہیں دے رہیں. پھر نوازشریف ان کی صحت یابی کے لیے دعا کرتے ہیں۔

یاد رہے کہ جب میاں نواز شریف اور کلثوم نواز کو نیب عدالت سے سزا سنائی تھی، اس وقت وہ کلثوم نواز کی علالت کی وجہ سے لندن میں تھے، تاہم وہ ان کی بیماری کے باوجود وطن لوٹ آئے۔

واضح رہے کہ محترمہ کلثوم نواز فلسفے میں ڈاکٹریٹ کی ڈگری کی حامل تھیں اور سنہ 1999 سے سنہ 2002 تک پاکستان مسلم لیگ ن کی صدر رہیں ، نواز شریف کی جلا وطنی کے دور میں وہ ایک مضبوط لیڈر کے طور پر ابھر کر سامنے آئی تھیں۔

کلثوم نواز گزشتہ سال سابق وزیر اعظم نواز شریف کے نااہل ہونے کے بعد ان کی خالی ہونے والی نشست این اے 120 لاہور میں ضمنی انتخاب کے لیے بھی امیدوار تھیں، ان کے مدمقابل تحریک انصاف کی یاسمین راشد تھیں، کلثوم نواز نے انہیں شکست دی تھی ، تاہم اپنی طبعیت کی ناسازی کی بنا پر حلف نہیں اٹھا سکی تھیں۔

Comments

comments

یہ بھی پڑھیں