The news is by your side.

الیکشن کمیشن میں رات گئے غیر معمولی اجلاس، پی ٹی آئی ممنوعہ فنڈنگ کیس ریکارڈ کا جائزہ

اسلام آباد: الیکشن کمیشن میں رات گئے غیر معمولی اجلاس منعقد ہوا، جس میں پی ٹی آئی ممنوعہ فنڈنگ کیس کے ریکارڈ سمیت دیگر اہم ترین امور کا جائزہ لیا گیا۔

تفصیلات کے مطابق الیکشن کمیشن میں رات گئے غیر معمولی اجلاس ہوا، سیکریٹری الیکشن کمیشن نے پی ٹی آئی ممنوعہ فنڈنگ کیس ریکارڈ کا جائزہ لیا، حلقہ بندیوں سے متعلق بعض ضروری امور کا بھی جائزہ لیا گیا۔

ذرائع کے مطابق ایف آئی اے سمیت مختلف اداروں نے ای سی سے ریکارڈ مانگ رکھا ہے، اسلام آباد ہائیکورٹ میں زیر سماعت کیسز کی فائلیں بھی تیار کرنی تھیں۔

ذرائع کا کہنا ہے کہ اجلاس کے دوران الیکشن کمیشن کے تمام راستہ مکمل بند تھے، شاہراہ دستور سے الیکشن کمیشن کا داخلہ بھی بند رکھا گیا، میڈیا کو بھی الیکشن کمیشن کی پارکنگ سے پہلے ہی روک دیا گیا تھا۔

اچانک رات گئے غیر معمولی اجلاس پر پی ٹی آئی رہنما فواد چوہدری نے طنز کرتے ہوئے کہا الیکشن کمیشن بہت محنت کرتا ہے، پی ٹی آئی کیس میں بھی پھرتی دکھائی، زندہ لوگوں کو مردہ قرار دیا۔

انھوں نے اجلاس کی طرف اشارہ کرتے ہوئے کہا کہ الیکشن کمیشن نے جو گڑبڑ کر دی ہے، اب اس کو ٹھیک کرنے کی کوشش کر رہی ہے۔

Comments

یہ بھی پڑھیں