اسلام آباد: احساس راشن پروگرام کیلئے 8171 پر ‘ایس ایم ایس سروس’ کا آغاز کردیا گیا، گھرانے کا کوئی بھی فرد8171 پر اپنا شناختی کارڈ بھیج کر رجسٹریشن کراسکتا ہے۔
تفصیلات کے مطابق معاون خصوصی ڈاکٹرثانیہ نشتر نے سماجی رابطے کی ویب سائٹ ٹوئٹر پر احساس راشن کی رجسٹریشن بذریعہ 8171 پر کرنے سے متعلق معلوماتی ویڈیو شیئر کی۔
ڈاکٹرثانیہ نے کہا کہ احساس راشن رجسٹریشن کیلئے8171سروس شروع ہوگئی ہے، گھرانے کا کوئی بھی فرد8171 پر اپنا شناختی کارڈ بھیجے، اپنا شناختی کارڈنمبر اس موبائل سم سے بھیجیں جو اس نام پر رجسٹر ہے۔
احساس راشن رعایت پروگرام میں گھرانوں کی رجسٹریشن کیلیئے8171سروس شروع ہوگئی ہے۔رجسٹریشن کیلیئےگھرکا کوئی ایک فرد اپناشناختی کارڈنمبر8171پر اس موبائل سم سےبھیجےجواسکےنام رجسٹرہو۔کریانہ دکانداروں کی رجسٹریشن بھی جاری ہےمگر وہ صرف ویب سائٹ سےہی رجسٹرہوسکتےہیں۔https://t.co/M3tCXALnUW pic.twitter.com/ET8E7NK4V4
— Sania Nishtar (@SaniaNishtar) November 23, 2021
معاون خصوصی کا کہنا تھا کہ احساس راشن رعایت کیلئے ہر گھرانے کا ایک ہی فرداہل ہوگا، احساس راشن رعایت پروگرام سے 2کروڑ خاندان مستفید ہوں گےجبکہ کریانہ مالکان صرف احساس راشن ویب پورٹل پر ہی رجسٹر ہوں گے۔
انھوں نے کہا کہ اگر آپ اہل ہوں گے تو آپ ہی رجسٹرڈ راشن رعایت حاصل کر سکیں گے، رجسٹریشن کے چار ہفتوں کے اندر گھرانوں کو ان کی اہلیت کے پیغامات 8171 سے بھجوا دئیے جائیں گے۔
