جعلی اکاؤنٹس کا معاملہ، فالودے والے بعد دھوبی بھی کروڑوں کا مالک نکلا
The news is by your side.

Advertisement

جعلی اکاؤنٹس کا معاملہ، فالودے والے کے بعد دھوبی بھی کروڑوں کا مالک نکلا

کراچی: فالودے والے، اسکول ٹیچر اور کلرک کے بعد اب دھوبی کے اکاؤنٹ سے بھی کروڑوں روپے کی ٹرانزیکشن کا انکشاف ہوا ہے۔

تفصیلات کے مطابق جعلی اکاؤنٹس سے ٹرانزیکشن کا سلسلہ نہ رک سکا، کراچی کے فالودے والے کے بعد اب ٹنڈو محمد خان کے دھوبی کے اکاؤنٹ سے ایک کروڑ 4 لاکھ کی ٹرانزیکشن کا انکشاف ہوا ہے۔

طارق سعید نامی دھوبی نے ایف آئی اے کی جانب سے لیٹر موصول ہونے کی تصدیق کرتے ہوئے کہا کہ رقم منتقل ہونے کا مجھے کچھ علم نہیں ہے، ملازمت کے لیے اپنی دستاویزات ایک کمپنی کو جمع کرائی تھیں۔

طارق سعید کا کہنا ہے کہ لیٹر موصول ہوا ہے جس میں کراچی طلب کیا گیا ہے، کرائے کے پیسے نہیں ہیں کہ ایف آئی اے کے دفتر تک پہنچ سکوں۔ ایف آئی اے نے خریدوفروخت کے معاہدے کی کاپی، بلز اور بینک کی تفصیلات طلب کی ہیں۔

طارق نے مزید کہا کہ وہ مزدور آدمی ہے اس کا کوئی بینک اکاؤنٹ نہیں ہے پھر وہ معاہدہ اور خریدو فروخت کی تفصیلات کہاں سے لائے گا۔

ایف آئی کا لیٹر موصول ہونے کے بعد دھوبی طارق سعید نے ڈر سے اپنی دکان بھی بند کردی ہے۔

مزید پڑھیں: ایک اور شہری کے اکاؤنٹ سے کروڑوں روپے کی ٹرانزیکشن کا انکشاف

یاد رہے کہ کراچی کے فالودے والے عبدالقادر کے اکاؤنٹ میں دو ارب 25 کروڑ روپے کی موجودگی کا انکشاف ہوا تھا۔

اس سے قبل حیدرآباد کے رہائشی پردیپ کمار کے اکاؤنٹ میں چار کروڑ 99 لاکھ 54 ہزار 432 روپے جبکہ شہر قائد کے رہائشی فالودہ فروش عبدالقادر کے اکاؤنٹ میں 2 ارب روپے کی موجودگی کا انکشاف ہوا تھا۔

Comments

comments

یہ بھی پڑھیں