امریکی ریاست ہوائی میں ابلتے ہوئے لاوے نے جہاں کئی گھروں کو نقصان پہنچایا وہیں 17 سو کے قریب افراد کو بھی نقل مکانی کرنے پر مجبور کردیا۔
آتش فشاں پہاڑ 4 مئی کو پھٹا تھا جس کے بعد وہاں سے گرم لاوے اور نقصان دہ گیسوں کا اخراج شروع ہوگیا۔ آتش فشاں پھٹنے کے وقت 6.9 شدت کا زلزلے کا جھٹکا بھی محسوس ہوا۔
آتش فشاں کا لاوا علاقے میں 9 ایکڑ تک پھیل گیا جس کی زد میں آ کر 26 مکانات بھی تباہ ہوئے۔
سوشل میڈیا پر وائرل ہونے والی ایک ویڈیو میں دیکھا جاسکتا ہے کہ سڑک پر لاوا بہہ کر آنے کے دوران وہاں کھڑی ایک کار بھی اس کی زد میں آکر تباہ ہوگئی۔
علاقے میں نقل مکانی کرنے والوں کے لیے 2 ریسکیو سینٹر قائم کیے گئے ہیں جہاں ان افراد نے عارضی طور پر پناہ لی ہے۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
