کراچی : قانون نافذ کرنے والے اداروں کی مختلف علاقوں میں کاروائی،بیس ملزمان گرفتار -
The news is by your side.

Advertisement

کراچی : قانون نافذ کرنے والے اداروں کی مختلف علاقوں میں کاروائی،بیس ملزمان گرفتار

کراچی : سپرہائی وے پر پولیس مقابلے کے دوران لیاری گینگ وار کا کارندہ ماراگیا،جبکہ شہر کے مختلف علاقوں میں قانون نافذ کرنےو الے اداروں نےکاروائی کر کے بیس ملزمان کو گرفتار کر لیا.

تفصیلات کے مطابق سپر ہائی وے کے علاقے جنجار گوٹھ میں پولیس سے فائرنگ کے تبالے میں لیاری گینگ وار ملزم کالو کرنٹ کا بھانجا شبیر بلوچ عرف ڈاہری مار اگیا جبکہ اس کے تین ساتھی موقع سے فرار ہو گئے.

دوسری جانب سرجانی کے علاقے میں سی ٹی ڈی ٹیم نے خفیہ اطلاع پر چھاپہ مار کر سیاسی جماعت کے مبینہ ٹارگٹ کلر کو گرفتار کر لیا،جبکہ ابو الحسن اصفہانی روڈ اسکاوٴٹس کالونی میں رینجرز نے سرچ آپریشن کرتے ہوئے چھ افراد کو حراست میں لے کر تفتیش کے لیئے نا معلوم مقام پر منتقل کر دیا.

ادھر پاک کالونی،مدینہ کالونی،پیر آ باد اور منگھو پیر سے پولیس نے دو منشیات فروش اور دو مفرور سمیت تیرہ ملزمان کو گرفتار کر کے ان کے قبضے سے اسلحہ اور منشیات برآمد کر لی گئی.

واضح رہے کہ خواجہ اجمیر نگری کے علاقے نار تھ کراچی رحمانیہ موڑ پر نا معلوم ملزمان کی فائرنگ سے لیاقت نامی شخص جان کی بازی ہار گیا.

Comments

comments

یہ بھی پڑھیں