The news is by your side.

Advertisement

نیب صوبے میں ترقی روکنے کے لیے گرفتاریاں کر رہی ہے، رانا ثناءاللہ

لاہور: وزیر قانون پنجاب رانا ثناءاللہ نے کہا ہے کہ صوبے میں ترقی روکنے کے لیے گرفتاریاں کی جارہی ہیں، افسران ریاست کے ملازم ہیں لیکن انہیں سیاسی انتقام کا نشانہ بنایا جارہا ہے۔

ان خیالات کا اظہار انہوں نے میڈیا سے گفتگو کرتے ہوئے کیا، رانا ثناءاللہ کا کہنا تھا کہ نیب پنجاب کے ہر ڈپارٹمنٹ کو نوٹس بھیج رہی ہے، جو الزامات ان کی جانب سے لگائے گئیں اس کا ریکارڈ پیش کیا جائے گا، اس قسم کے اقدامات (ن) لیگ کو عام انتخابات میں نقصان پہنچانے کی ناکام کوشش ہے۔

احد چیمہ کی گرفتاری: نیب نےپنجاب حکومت کےموقف کی پھرتردید کردی

انہوں نے کہا کہ کسی قسم کی ہڑتال یا بغاوت نہیں ہوئی اور نہ ہی کسی سول افسر نے کہا کہ وہ ہڑتال پر جارہے ہیں، انہیں یقین دلایا ہے آپ کی عزت کا تحفظ کریں گے، حکومتی رٹ ختم کرنے کی کوشش ناکام ہوگی۔

وزیر قانون کا کہنا تھا کہ کچھ قوتیں نیب کو اپنے مقصد کے لیے استعمال کر رہی ہیں، نیب کو احتساب کے علاوہ کسی اور مقصد کے لیے استعمال نہیں ہونا چاہیے، اگر شہباز شریف نے کسی کو پلاٹ دیا ہے تو اس کا ثبوت پیش کریں۔

عمران خان سول افسران کے خلاف ہرزہ سرائی کر رہے ہیں، احد چیمہ کی گرفتاری پر تحفظات ہیں: رانا ثنا اللہ

رانا ثناء اللہ کا مزید کہنا تھا کہ نواز شریف کو وزیر اعظم کی کرسی سے ہٹایا گیا، ان میں اتنی طاقت ہے کہ وہ وزیر اعظم بنے رہے، اگر وہ چاہیں تو کسی کارکن کو بھی پارٹی صدر بنا سکتے ہیں، اللہ چاہے گا نواز شریف پھر وزیر اعظم بنیں گے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Print Friendly, PDF & Email

Comments

comments

یہ بھی پڑھیں