The news is by your side.

Advertisement

قانون وزیراعظم اور عام آدمی کے لیے برابر ہونا چاہیے، مراد علی شاہ

میرپورخاص: وزیراعلیٰ سندھ مراد علی شاہ نے کہا ہے کہ وزیراعظم کے ہوتے ہوئے جے آئی ٹی شفاف تحقیقات نہیں کرسکتی، ملک کا قانون وزیراعظم اور عام آدمی کے لیے برابر ہونا چاہیے۔

میرپورخاص میں میڈیا سے گفتگو کرتے ہوئے مراد علی شاہ نے کہا کہ وفاق بجلی کے حوالے سے صرف دعوے کرتا ہے، سندھ کے عوام کو بجلی فراہم نہیں کی جارہی اور صوبے کا حق بھی مارا جارہا ہے۔

انہوں نے کہا کہ سندھ حکومت محکمہ آبپاشی اور محکمہ زراعت کو یکجا کرنے کی کوشش میں ہے، محکمہ زراعت کے تحت قائم ریسرچ سینٹر کو پارٹنر شپ پر جلد دے دیا جائے گا۔

وزیر اعلیٰ سندھ نے کہا کہ سندھ بھرمیں ترقیاتی کام تیزی سےجاری ہیں، نوکوٹ اورمیرپورخاص سےٹنڈوآدم تک روڈ کو جلد مکمل کر لیا جائےگا تاکہ آمد ورفت میں آسانی ہو۔

مولا بخش چانڈیو کی گفتگو 

دوسری جانب ٹھٹہ میں میڈیا سے گفتگو کرتے ہوئے سابق وزیر اطلاعات و نشریات سندھ مولا بخش چانڈیو نے عابد شیر علی کے بیان کی سخت الفاظ میں مذمت کرتے ہوئے کہا کہ جس کی کوئی سیاسی حیثیت نہیں وہ کم ظرفی کی باتیں کررہے ہیں۔

انہوں نے کہا کہ موجودہ صورتحال میں سونامی اور پانامی دونوں بہت پریشان دکھائی دے رہے ہیں ، جن کو تکبر ہے اُن کو بس اللہ ہی بچا سکتا ہے، لیگی رہنما دوسروں کی فکر چھوڑ کر اپنے قائد کو بچائیں۔

مولابخش چانڈیو نے مزید کہا کہ میاں صاحب عالمی کرپشن میں پھنسے ہوئے ہیں اور مسلم لیگ ن صوبائی سیاست کو تقویت دینے میں مصروف ہے، ایسا نہ ہو کہ حکمرانوں کے ہاتھ سے سب کچھ چلا جائے۔

Print Friendly, PDF & Email

Comments

comments

یہ بھی پڑھیں