The news is by your side.

Advertisement

پریانکا چوپڑا کی ”کوانٹکو“کے خلاف مقدمہ دائر

بالی ووڈ انڈسٹری کی معرو ف اداکارہ پریانکا چوپڑا کی امریکی ٹی وی سیریز ”کوانٹکو“ کے پروڈیوسرمارک گورڈن کے خلاف مقدمہ دائر کر دیا گیا ہے۔

رپورٹ کے مطابق فلمساز جیمی ہیلمن ، باربرا لیبوویٹز اور بزنس ایگزیکٹیو پاﺅلا پیززکی طرف سے کوانٹکوپروڈیوسرکے خلاف لاس اینجلس کی عدالت میں 25صفحات پر مشتمل درخواست دائر کی گئی ہے۔

مقدمہ درج کرانے والے فلمسازوں کے مطابق کوانٹکو پروڈیوسر مارک گورڈن نے 1999ءمیں سی این این پر نشر کی جانے والی ڈاکومنٹری کا آئیڈیا بغیر اجازت اپنی ٹی وی سیریز میں پیش کیا ہے۔

انکا کہنا ہے کہ ابتداءمیں”کوانٹکو پروجیکٹ“ کو فلم کیلئے استعمال کیے جانے پر غور کیا گیا تھا، تاہم بعد ازاں مارک گورڈن کی طرف سے بغیر بتائے ٹی وی سیریزکے پروجیکٹ پر کام شروع کر دیا گیا۔

رپورٹ کے مطابق فلمسازوں کی طرف سے مقدمے میں مارک گورڈن کے خلاف معاہدے کی خلاف ورزی کا موقف اختیار کیا گیا ہے۔

واضح رہے پریانکا چوپڑا کی ٹی وی سیریز ”کوانٹکو“ کا شمار اب تک امریکی ٹیلی ویژن سے نشر کی جانے والی کامیاب ترین سٹوریز میں ہو رہا ہے۔

Print Friendly, PDF & Email

Comments

comments

یہ بھی پڑھیں