The news is by your side.

لیہ : بس کو خوفناک حادثہ، 6مسافر جاں بحق

لیہ : تیز رفتار مسافر بس الٹ گئی جس کے نتیجے میں 6 مسافر جاں بحق جبکہ 40 زخمی ہوگئے۔

تفصیلات کے مطابق لیہ کے علاقے جمن شاہ کے قریب مسافر بس الٹ گئی، حادثے میں 6افراد جاں بحق ہوگئے جبکہ40 مسافر زخمی ہوگئے۔

ریسکیوذرائع کا کہنا ہے کہ مسافر بس کو حادثہ موٹرسائیکل رکشے کو بچاتے ہوئے پیش آیا، حادثے میں زخمیوں اور مرنے والے افراد کی لاشوں کو ڈسٹرکٹ ہیڈ کوارٹرز اسپتال لیہ منتقل کر دیا گیا۔

حادثے کی اطلاع ملتے ہی علاقہ پولیس اور امدادی ٹیمیں جائے وقوعہ پر پہنچ گئیں، زخمیوں میں سے متعدد کی حالت تشویشناک ہے، پولیس نے واقعہ کی رپورٹ درج کرکے مزید کارروائی شروع کردی ہے۔

Comments

یہ بھی پڑھیں