تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

کام سے بچنے کے لیے مرنے کی اداکاری کرنے والا گھوڑا

سیئول: سوشل میڈیا پر ایک ایسے سست اور کام چور گھوڑے کی ویڈیو وائرل ہو رہی ہے جو کام سے بچنے کے لیے اپنے مالک کے سامنے مرنے کی ایکٹنگ کرتا ہے۔

تفصیلات کے مطابق جنوبی کوریا میں ایک ایسا گھوڑا ہے جو کام سے بچنے کے لیے مالک کے سامنے ایسے اداکاری کرتا ہے کہ جیسے یہ مرگیا ہو۔ دیکھنے والے اس کو دیکھ کر پریشان ہوجاتے ہیں کہ شاید یہ گھوڑا حقیقت میں مرگیا ہے لیکن کچھ دیر بعد ہی وہ اٹھ کھڑا ہوتا ہے۔

جنگانک نامی گھوڑا سست اور کام چور ہے اور اسے بالکل پسند نہیں کہ کوئی اس پر سوار ہو۔ سوشل میڈیا پر اس گھوڑے کو بہترین اداکار کہا جا رہا ہے۔

سوشل میڈیا پر وائرل ہونے والی ویڈیو میں دیکھا جاسکتا ہے کہ جب بھی کوئی اس گھوڑے پر سوار ہونے کی کوشش کرتا ہے وہ خود سے زمین پر گر جاتا ہے اور اپنی آنکھیں ایسے بند کرتا ہے جیسے مرگیا ہو۔

واضح رہے کہ دو ہفتے قبل اپ لوڈ ہونے والی اس ویڈیو کو اب تک 23 ملین سے زائد لوگ دیکھ چکے ہیں اور جنگانک نامی گھوڑے کو شاندار اداکاری پر آسکر ایوارڈ کا اہل قرار دے رہے ہیں۔

Comments

- Advertisement -