سانگھڑ : سندھ حکومت کی درخواست پرالیکشن کمیشن نے سانگھڑمیں بلدیاتی الیکشن ملتوی کردیئے۔فنکشنل لیگ رہنماء نے کہا ہے کہ پیپلزپارٹی کوضلع میں واضح شکست نظرآرہی تھی۔
تفصیلات کے مطابق الیکشن کمیشن نے سندھ حکومت کی درخواست پرسانگھڑ میں بلدیاتی الیکشن ملتوی کردیئے۔
آئی جی سندھ کا الیکشن کمیشن کےاجلاس میں کہناتھا کہ ضلع کےپولنگ اسٹیشن حساس ہیں۔اس لئے فوج تعینات کی جائے۔
اس حوالے سے فنکشنل لیگ کی رہنما نصرت سحر عباسی نے کہا کہ پیپلزپارٹی کوشکست نظرآرہی تھی اس لئے الیکشن ملتوی کرائے۔
حکومت سندھ نے بدین میں بھی الیکشن ملتوی کرنے کی درخواست کی لیکن وہ مسترد کردی گئی، الیکشن کمیشن نےامن و امان برقرار رکھنے کیلئے پاک فوج،رینجرز اور پولیس تعیناتی کاحکم دے دیاہے۔
الیکشن کمیشن نے ڈی آراوز کوسیاسی جماعتوں سے تعلق رکھنے والےآراوز،پریزائیڈنگ افسران اورعملےکوتبدیل کرنے کی ہدایت کی ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں