The news is by your side.

Advertisement

بلدیاتی انتخابات میں سیکیورٹی کے سخت انتظامات کئے جائیں، آئی جی سندھ

کراچی : آئی جی سندھ غلام حیدر جمالی نے سینٹرل پولیس آفس کراچی میں ایک اجلاس کی صدارت کرتے ہوئے صوبہ سندھ میں ہونیوالے بلدیاتی انتخابات کے سلسلے میں قائم کردہ پولنگ اسٹیشنوں کے لئے پولیس سیکیورٹی اقدامات اور ڈپلائمنٹ کی تفصیلات کا جائزہ لیا۔

آئی جی سندھ نے ہدایات جاری کیں کہ بلدیاتی الیکشن کے ضمن میں الیکشن کمیشن آف پاکستان کے ضابطہ اخلاق پر نا صرف عمل درآمد ہر سطح پر یقینی بنایا جائے بلکہ الیکشن میں حصہ لینے والے امیدواروں کو بھی اس امر کا پابند بنایا جائے تاکہ بلدیاتی الیکشن کے انعقاد اور اس کے مجموعی عمل کو پر امن و محفوظ بنانے کے لئے ہر ممکن اقدامات کئے جاسکیں۔

انہوں نے کہا کہ امن وامان کے حالات پر کنٹرول،الیکشن میں حصہ لینے والے امیدواران،ووٹرز و دیگر شہریوں کے تحفظ کے ضمن میں پولنگ اسٹیشنوں کے اطراف میں انٹیلی جینس کو بڑھایا جائے۔

متعلقہ رینج میں کنٹرول رومز کے قیام اور ان کے تحت نگرانی مانیٹرنگ اور معلومات کی فوری شیئرنگ جیسے عمل کو یقینی بنایا جائے۔

تمام داخلی وخارجی راستوں پر ناکہ بندی اور سرچنگ کو موْثر اور مربوط بنانے کے ساتھ ساتھ علاقہ ایس ایچ اوز کی نگرانی میں اسنیپ چیکنگ،پیٹرولنگ اور پکٹنگ جیسے اقدامات کو بھی غیر معمولی بنایا جائے۔

علاوہ ازیں ووٹنگ کے آغاز سے قبل ہی تمام پولنگ اسٹیشنوں کی ٹیکنیکل سوئپنگ اور کلیئرنس کے لئے بھی تمام تر اقدامات کئے جائیں۔

انہوں نے رینج ڈی آئی جیز کو ہدایات جاری کیں کہ پولنگ اسٹیشنوں سمیت مختلف علاقوں میں سیکیورٹی فرائض پر مامور پولیس اہلکاروں کے لئے عارضی قیام کے ساتھ ساتھ کھانے وغیرہ کی سہولیات کے لئے بھی تمام تر اقدامات کئے جائیں۔

Print Friendly, PDF & Email

Comments

comments

یہ بھی پڑھیں