The news is by your side.

Advertisement

اسلام آباد میں پہلی بار بلدیاتی انتخابات: عوام میں زبردست جوش وخروش

اسلام آباد : پاکستان کے دارالحکومت اسلام آباد کی تاریخ میں پہلی بار بلدیاتی انتخا بات ہورہے ہیں، جس میں چھ لاکھ سے زائد ووٹرز اپنا حق رائے دہی استعمال کریں گے۔

اسلام آباد میں بلدیاتی انتخابات کےانعقاد کو پرُامن بنانےکےلئےسیکیورٹی کےموثر اقدامات کئے گئے ہیں،بلدیاتی عملےکی مدد کےلئے فوج کو ہائی الرٹ کردیا گیا جبکہ پولیس کےدستے قانون پرعملدرآمد کےلئےمستعد کھڑے ہیں

آج صبح ہی سے لوگ جوش وخروش سے اپنا ووٹ کاسٹ کر رہے ہیں،پولنگ اسٹیشنز پر رائےدہندگان کی قطاریں لگ گئیں، یوسی تینتیس سے سیاہی اور اسٹمپ کی شکایات کا الیکشن کمیشن نے نوٹس لے لیا,آنے والے وقت میں دارالحکومت پر کون راج کرے گا، بلّا ،تیر یا شیر س کا فیصلہ اسلام آباد کی عوام آج کردیں گے۔

پولنگ کاعمل مقررہ وقت پر شروع نہ ہوسکا،رائےدہندگان شام ساڑھےپانچ بجےتک ووٹ کاسٹ کرسکیں گے۔پی ٹی آئی اورن لیگ میں کانٹےکا مقابلہ ہے، اس کے علاوہ سرکاری ملازم دو بجےکےبعد اپنا ووٹ ڈال سکیں گے۔

الیکشن کمیشن کی روایتی بدانتظامی کےباعث ووٹرز کو حق رائے دہی کے استعمال میں دشواریوں کاسامناکرنا پڑرہا ہے، کئی پولنگ اسٹیشنز پرخشک اسٹیمپ پیڈز فراہم کئےگئے۔

ترلائی پولنگ اسٹیشن پرخشک لیٹر پیڈ پر پانی ڈال کر کام چلایاجاتارہا۔ یوسی بتیس کے پولنگ اسٹیشن پر انتخابی سامان کی کمی سےپولنگ تاخیرسےشروع ہوئی۔ کئی پولنگ اسٹیشزپرپولنگ ایجنٹوں نےموبائل فون کاکھلم کھلا استعمال کیا۔

اسسٹنٹ کمشنرنےیوسی بائیس کےپولنگ اسٹیشن پر چھاپہ مار کر موبائل فون ضبط کرلیا۔انہوں نےپریزائڈنگ افسرکوموبائل فون کےاستعمال سےروکنےکی ہدایت کی۔

ایک یوسی کےبیلٹ پیپرزدوسرےیو سی کےبیلٹ پیپرزمیں شامل کردیئے گئے۔۔ یوسی اڑتالیس اور انچاس میں ن لیگی کارکن نےالیکشن کمیشن کے ضابطےکی خلاف ورزی کرتےہوئےپارٹی پرچم گلےمیں ڈالےگھومتےرہے۔

یوسی سترہ میں خواتین پولنگ اسٹیشنز پر مرد پولیس اہلکار تعینات تھے، اےآروائی نیوزکی نشاندہی پروفاقی پولیس کی دوڑیں لگ گئیں۔

ادھر اسد عمرکی پولنگ اسٹیشن آمدپر ن لیگی کارکنوں نےشدید احتجاج کرتےہوئے پولنگ بندکرنے کامطالبہ کیا۔

پاکستان تحریک انصاف،پاکستان مسلم لیگ ن کے علاوہ پیپلز پارٹی سمیت کل 26جماعتوں کے امیدوار میدان میں ہیں جبکہ سب سے زیادہ تعداد میں 972 آزاد امیدوار بھی میدان میں اترے ہوئے ہیں ۔

پاکستان مسلم لیگ ن 506پی ٹی آئی 479کے ساتھ کل 2405امیدوار الیکشن میں پوری آب و تاب سے حصہ لے رہے ہیں، اس کے علاوہ بلدیاتی انتخابات کے موقع پر اسلام آباد کے سرکاری اسپتالوں میں ایمرجنسی نافذ کردی گئی ہے۔

پمزاور پولی کلینک میں ڈاکٹروں اورنرسوں کی چھٹیاں منسوخ کر دی گئیں ہیں۔ ترجمان پمز اسپتال کے مطابق بلدیاتی انتخابات کے موقع پر کسی بھی ایمرجنسی سے نمٹنے کیلئے تمام تیاریاں مکمل کرلی گئی ہیں۔

پروفیسرزاور سینیئرڈاکٹرز بلا اجازت شہر سے باہر نہیں جاسکیں گے۔ جبکہ پمز ، پولی کلینک میں خون، بیڈز، اضافی ادویات کا بندوبست کرلیاگیاہے۔ پمز اسپتال میں بیس بیڈزایمرجنسی کیلئے مختص کئے گئے ہیں۔

بلدیاتی انتخابات کی گہمی گہمی نے فالج کے شکار شہری کوبھی گھر سے باہر نکلنے پر مجبور کردیا۔

چلنے پھرنے سے معذور اسلام آباد کا شہری طلعت ووٹ کی اہمیت کوجانتے ہوئے پولنگ اسٹیشن تک جانے کے لئے دوسروں کوسہارا لے کر اپنا حق رائے دہی استعمال کرنے اور پہنچ گیا۔

فالج کے شکار طلعت کو بولنے میں بھی دقت کا سامنا ہے مگرخود کوتحریک انصاف کا ورکر کہنے سے بیماری بھی اس کو روک نہیں سکی۔

انتخابی عملے نے الیکشن کمیشن کے احکامات پر عمل در آمد کرتے ہوئے فالج کے شکار شہری کی پولنگ کے عمل میں مکمل معاونت کی۔

عمران خان نے اپنا ووٹ کاسٹ کر دیا، کارکنان کی نعرے بازی

اسلام آباد میں ہونے والے بلدیاتی الیکشن میں پاکستان تحریک انصاف کے چیئرمین عمران خان نے اپنا ووٹ یونین کونسل نمبر 23 بنی گالہ کے وارڈ نمبر 4ماڈل اسکول فار بوائزمیں کاسٹ کیا۔

عمران خان کی ووٹ کی پرچی پی ٹی آئی کے مقامی رہنما الیاس مہربان نے بنوائی۔ عمران خان کی آمد سے کافی دیر پہلے ہی پاکستان تحریک انصاف کے کارکنان کی بڑی تعداد ماڈل اسکول فار بوائز میں پہنچ گئی اور اپنے قائدکانعرے لگا کر اور پھولوں کی پتیاں نچھاور کرکے شاندار استقبال کیا۔

عمران خان کے ووٹ ڈالنے کے دوران پولنگ سٹیشن کو سیکیورٹی خدشات کے پیش نظر عام ووٹرز کیلئے بند کردیا گیا۔

اس موقع پر پاکستان تحریک انصاف کے مرکزی ترجمان نعیم الحق بھی عمران خان کے ساتھ موجود تھے.

Print Friendly, PDF & Email

Comments

comments

یہ بھی پڑھیں